البارت 1
شفت الليل ونجومه.. شفت النهار ونوره..شفت البحور ومواجه.. شفت العين واللي بغاها.. شايفة كلشي انا .. العرافة .. اسمي مرجانة ساكنة ففيلاج كبير ولكن اسواره كلها معزولة على بعضها فالقمة كاين السلاطين ديالها وقصورهم وفالقاع كاينين حنا .. ولاد الخبز الخافي .. فعمري 30 عام وحيدة والديا .. واحد النهار وانا عمري تسعة سنين غبت على عائلتي وبقاو كيقلبو عليا وبعدها لقاوني عايمة فوق الواد كلشي غوت وقال هادي ميتة لامحالة هزوني وغطاوني حليت عيني بانتليا مرا شارفة بزاف دوزات يديها على وجهي حسيت لحمي تبورش كله وشداتني السخانة من رجليا حتى لراسي تنفست فجأة وفقت وحتى واحد معرف شنو شفت ولا شنو وقعلي .. بوحدي كنت خايفة وفكل مرة كانت تبانلي الشارفة من بعيد وانا خايفة حتى لواحد النهار مبقيتش شفتها .. حسيت برعدة وحدة ومن تما وليت كنعرف كلشي بلا منحس .. نسمة وحدة تخليني نعرف شكون دار وشنو غايدير .. الغريب فهادشي كله انه حتى واحد معرف اني قادرة ندير هادشي .. خفت يقتلوني حيت فهاد الفيلاج غايقولو عليا ساحرة وغايقتلوني انا ماشي سحارة انا عرافة
جنب الواد وحنا كنسقيو بحال كل مرة ..
البنت1: هههه بلاتي نسقي يمكن يدوز زهري ويديني ..
البنت2:يديك الواد ههههه
البنت3: ههه سكتو قالو ولد الشيخ الغرفي زوييين وواعر وكيحمق 😍
البنت1: مشيتي بعييييد شكون غايديها فينا فهادوك .. هاداك باينة غايتزوج شي اميرة بحالو
مرجانة: ومالنا حنا ماشي عيالات ؟ 😌
البنت3: نتي بالضبط لا هههه نتي راكي كبرتي وفات فيك الزواج صافي
البنت2: والله مكدبتي
مرجانة : ديك الساعة نشوفو 😈
بحال ديما بقاو كيستهزأو بيا عادي .. بحال كل مرة ولكن غانفاجأهم هاد المرة حيت خططت ليها .. غاندخل قصر الشيخ بأي طريقة وغانولي كنتهم
الشيخ الغرفي من اكبر اثرياء البلاد .. عندو قصر كبير وثلاثة الاولاد .. كبيرهم اسمه قُصٓيْ والثاني مازن والثالث فريد .. كلشي عارف ان اذكاهم فريد وهو العزيز على باه وافشلهم الكبير قصي .. اللي مع ان باك كيمشكو زمام الامور الا انه ديما كيحشمو مع كلشي فاشل وكيحماق على البنات وسكايري .. حتى فالخدمة ديالهم ديما فريد ومازن عاتقين الوضعية ..
الغرفي: واش انا والد الرجال ولاالشمايت .. اش هادشي كلشي خاص يعرف ان ولاد الحاج الغرفي شداد واقوياء بحال باهم .. وكلمتهم مسموعة ...
فريد: حنا فيدك ابا وهبتك هي هبتنا
قصي : ااه ابا اه حنا اقوياء
الغرفي : نتا سكت حسن ليك .. يا ريتني ولدت بنت ولا ولدتك نتايا .. السكايري .. لا قولي مرة وحدة فرحتيني فيها وهضرت عليك بالفخر .. ديما كنحني راسي وانا كندكرك .. اللي محشمني حتى بنت الحاج الرافعي اللي خطبتهالك طجات منك بفعايلك
قصي: انا الواليد ..
الغرفي: سكتنا ..
رجعات مرجانة لجنب الواد وجلسات بوحدها .. حتى رفعات راسها وشهقات بعمق ..: اهو جاي
خرج قصي بالعود ديالو حتى وصل جنب الواد شاف مرجانة وهي كتلعب برجليها فالواد .. قرب منها على اساس يتغزل بها كما كيديرمع اي مرا كيشوفها .. حتى وصل عندها ..
مرجانة : قصي ولد الشيخ الغرفي ..
قصي :😳 كتعرفيني؟ اه انا ولدو
مرجانة: ديما مغموم حيت باباك مبغاش يرضي عليك واخا درتي اللي درتيها .. هو شايف خوتك حين منك
قصي : (وقف) باش عرفتي هادشي كله شكون نتي
مرجانة: شايف هاد الماسة ..ديها للباك .. وريهالو والى سولك قولو لقيتها .. قولو قلبتلك عليها ولقيتها .. وديك الساعة شوف واش غايبقى يحتقرك ولا لا
قصي: مجاوبتينيش شكون نتي 😥
مرجانة: غادي تعرفني من بعد ..
مشات مرجانة وخلاتو مصدوم .. بقا كيشوف فالماسة واش حقيقية ولا كان كيحلم .. رجع للعود ديالو مشا لقصر باه بسرعة .. تأليف دودي العيساتي
اكمل القراءة في الاسفل
البارت 2
مشا الابن لعند باه دخل عندو وهو مزروب لقاه مع ولاده الاخرين
قصي: الواليد
الغرفي: جيتي ..😏 فين كنتي اخسارة ولادي
قصي : جبت ليك شي حاجة .. امم قلبت عليها ولقيتها ..
الغرفي : اكيد شي مصيبة بحال ديما .. وجه المصايب والويل ..
جبدالماسة بين يديه ومدهاليه والشيخ توسعه عينيه ودار ابتسامة كبيرة
الغرفي: الماسة 😍😍 فين لقيتيها
قصي: قلبت ولقيت ..
الغرفي : احسن حاجة درتيها من نهار تزاديتي .. 24 عام وهي ضايعة مني حزنت بزاف حيت ضاعتلي ..كنت يأست من اني نلقاها مرة اخرى .. الله يرضي عليك هاكا نبغيك هاكا راجل دابا نقدر نفتخر بيك ..
قصي : امم اه انا انا مفخرة ليك ابابا
بقا الاب طاير بالماسة وولادو بقاو حالين فمهم كيفاش الولد اللي كان فاشل دابا يولي هو حبيب والده .. اما قصي فتفكيره كله اتجه نحو البنت اللي لقاها جنب الواد كيفاش يلقاها مرة اخرى وهو معارف عليها والو .. واش هي من الانس ولا الجن .. واش بالصح شافها ولا غير اتخايلها هادشي كله خلاه يرجع يقلب عليها مرة اخرى .. مشا لنفس البلاصة ملقاهاش .. لقا تما غا بنات الفيلاج كيلعبو ويغنيو وينشطو
البنت ١: شوفي شكون جا احح
البنت٢: قلبي 😍 ولد الشيخ
البنت ٣:سكتو سكتو اهو كيقرب
قرب منهم وهضر
قصي: امم ممكن نسولكم .. كتكون هنا واحد البنت .. الصراحة معرفتش سميتها .. ولكن نقدر نوصفها .. شعرها كحل وعينيها كوحل
البنات : 😑
قصي: امم متقدروش تعرفوها ياك ..
البنت ٢: داه بنات الفيلاج كله عندهم هاد المواصفات اللي قلتي ..
قصي: واخا سمحولي .. بالسلامة ..
مشا قصي وهو كيفكر "بحال الى كنقلب على ابرة فكومة قش "
انتشر الخبر فالفيلاج كالنار في الهشيم .. ولد الشيخ كيقلب على شي بنت فالفيلاج .. وكلشي باغي يعرف هاد البنت شكون ..
مرجانة : هههه عرفتو غايقلب عليا وهاد المرة غانستغل هادشي باش يكون كما بغيت انا .. صحيح ان هاد الشي اللي كندير معرفتش قيمتو الا اني دابا غانستغلو كما يجب ان يكون ..
دازو ايام وقصي كيقلب على مرجانة دون جدوى .. حتى انه ولى كيبقى حدا الواد ليل ونهار كيستناها تجي .. حتى لواحد النهار وهو جالس حدا الواد تحطات يد عليه تخلع التفت لقا مرجانة ..
قصي: 😦 نتي .. شحال وانا كنقلب عليك
مرجانة: بقا جالس .. (جلسات حداه )
قصي: قوليلي شكون نتي .. وكيفاش حسيتي بيا وعرفتي كلشي داكشي ..
مرجانة : انا بنت بسيطة بنت هاد الفيلاج .. ولكن اللي زايدا على هادو اني كنشوف .. كنعرف شنو كاين .. يكفي نشوف فعينك او نقرا يدك.. وبعض المرات مكنحتاجش يكفي اني نحس .. هادشي حتى واحد مكيعرفو الا نتا ..
قصي : شنو سميتك
مرجانة: مرجانة ..
قصي: نتي فعلا مرجانة وطاحت فيدي
مرجانة : اها
قصي: غانعطيك اللي بغيتي .. اللي تطلبيها وغاندخلك للقصر .. ولكن تكوني عرافة ليا بوحدي .. تشوفيلي وتجعليني نكون اللول فعين بابا وعين الكل ..
مرجانة : فيدي نخليك اللول فعين الكل وخصوصا الواليد ديالك .. ونجعلك تشد ولاية هاد الفيلاج وتحكم كما بغيتي .. نجعل كلشي داير فيك الثقة .. فيدي نطلعك لفوق ..
قصي : اه هادشي اللي بغيت تماما ..
مرجانة : ولكن انا ماشي هادشي اللي بغيت
قصي: وشنو بغيتي
مرجانة : بغيت نتزوجو .. وتجي تخطبني مع عائلتك من والديا وكلشي يعرف انك غاتزوجني الفيلاج كله ..
قصي : شنووووو 😵 واش باغا يجري عليا بابا
مستحيل طبعا ندير هادشي ..
مرجانة : نتا حر .. هادا هو شرطي .. والا غاترجع لايام الفشل من جديد .. فكر مزيان .. الى قررتي .. ها دارنا قريبة من الواد .. سول على مرجانة كلشي كيعرفني .. 😉
مشات وخلاتو فبحرو هايم .. كيفاش هادشي واش غايتزوج وحدة من الفيلاج الشيء اللي عمرو مادارو شي واحد من عائلتو .. اصلا مغايوافقوش هادشي اكيد .. ولكن رجع تفكر النجاح البي ممكن يجيه من موراها وحكم الولاية .. وتذكر حتى شامة البنت اللي كيبغي .. من صغرو وحتى هي كتبغيه واش غايتخلى عليها ؟
بارت 3
بقا قصي كيفكر ايام وايام .. وكيشوف التغيير دباباه معاه مللي لقا ليه الماسة .. كيفاش غايكون اذا ولى ناجح بزاف فحياته .. بعد تفكير طويل .. رجع للواد وبدا كيقلب .. حتى بانتليه وحدة من البنات
قصي : سمحلي نسولك ..
البنت : نعام 😍
قصي : مرجانة كتعرفيها ..
البنت : اه . لا .. اا علاش كتسول
قصي : وريني دارهم عافاك
البنت : دارهم .. 😳
قصي : اه بغيت باباها
البنت : 😱
قصي: واش مسمعتينيش ..
البنت : واخا واخا .. اجي معايا ..
مشا موراها حتى وراتلو دارها ومشات كتجري .. هو مشا دق على دارهم وحل ليه واحد الراجل كبير ومبهدل ..
الاب : شكون نتا ..
قصي: انا قصي ولد الشيخ الغرفي
الاب : ااا ششش شنو .. تفضل تفضل اسيدي .. مرحبا مرحبا .. سعدية صاوبي شي حاجة للضيف ..
قصي : انا الصراحة اعمي جاي نخطب منك بنتك مرجانة .. ونتمنى تقبل بيا
الاب : مرجانة 😧 واش كنحلم .. واش متأكد اولدي بنتي مرجانة هي اللي بغيتي .. ياكما تخالطاتليك مع شي وحدة اخرى
قصي: مرجانة بنتك .. انا متأكد ..
الاب : (عمري كنت نتخيل باللي هاد البنت عندها كاع هاد الزهر .. ) وو الواليد ديالك فخباره باللي نتا جيتي وباغي تتزوج بنتي ..
قصي : انا جيت وغانتزوج مرجانة وندخلها معايا القصر .. وايلا مقبلتيش ..
الاب : لا لا لا اشمن مقبلتش .. شكون اللي معندو عقل يرفضكم نتوما .. انا مازال ممتيق راسي ..
سعدية : مرحبا والف مرحبا يويويويوي .. مرحبا براجل بنتي
قصي: شكرا .. المهم انا غادي نرجع المرة الجاية وانا جايب معايا العدول .. بالسلامة
الاب: بالسلامة اسيدي ..
مشا قصي وخرجات مرجانة ..
مرجانة : بابا علاش متشرطيش عليه .. واش غاتلوحني فابور
الاب : اش هادشي كتقوليه واش مسطية .. واش عرفتي شكون هادا
مرجانة : عرفتو .. وعارفة عاود باللي غايتزوج مرجانة .. ماشي اي وحدة ..
الاب : هاد بنتك غاتحمقني واش كاين شي حد حاشاهاليك من قبل.. انا شاكة باللي هاد السيد مراهش فعقلو دابا والا مكانش غايجي عند واحد بحالي
السعدية : نعلي الشيطان ابنتي .. باباك عندو الحق وخلينا نستغلو الفرصة قبل ميفيق السيد ..
مرجانة : متخافوش 😌 غادي يرجع ..
انتشر فالفيلاج قصة قصي ومرجانة وبداو البنات يندبو زهرهم ..
البنت 1: اربي ربي شكون كان يتيق .. مرجانة .. مرجانة اعباد الله كدارتليها .. اويلي اعباد الله
البنت 2: انا متيقتش .. مللي قالي بغيت دارها عرفتو غايخطبها
البنت3: واش نتي مسطية علاش وريتيهاليه علاش
بارت 4
مشا قصي لعند الاب ديالو باش يقوليه على زواجه .. طبعا رفض بشدة مكان فيديه الا يدي معاه واحد من معارف باباه واحد المسؤولين والعدول .. نهار مشاو لدار مرجانة .. الفيلاج كده جا يشوف هاد الحدث الخارق للعادة .. ولد القصور كيتزوج بنت الاكواخ .. الاب ديالها فرح بزاف ومتيقش راسو انه غايدخل القصر .. اللي عمرو كان يحلم يدخليه واخا غا خادم ..كتبو وجا وقت الرحيل .. دخلو البنات لعند مرجانة ..
البنت1:فرحناليك امرجانة تستاهلي
مرجانة : غريبة .. مع انه كنتو كتقولولي ان هادا حلم بعيد وعليا بالذات
البنت 2: انا ديما كنت كنقول ليهم ان مرجانة سعدها زوين وغاتدي واحد يبغيها .. المهم جبتليك هاد الكحل وهاد العكار ديريهم نتي راكي عروسة .. وراجلك كيستناك خاصك تخرجي عندو زوينة ..
مرجانة : انا راجلي شافني وبغاني كما انا .. ولكن مغانخسرلكش خاطرك انا غانديرو.. يالله ستناوني برا..
البنت ٣: واخا يالله البنات ..
دخلات الام وخرجو البنات ..
مرجانة : ماما هاكي عطي هادشي لامهات هاد الرباعة اللي خرجات دابا واياك ديري منه شي حاجة
الام: وعلاش
مرجانة : حيت مسموم وباغين يخرجو فيا الحسد ديالهم
الام: يالطيف .. وباش عرفتيه نتي
مرجانة : ماشي وقتو اماما دابا قصي كيستنى
خرجات مرجانة عند قصي وسط ذهول البنات .. ركبات معاه ومشات ووالديها كيودعوها ..
قصي : ها شنو فيها
مرجانة : كل خير .. باباك مموافقش على الزواج ولكن متخافش غانقدر نقنعو مع المدة
قصي : واياك تستعملي معاه تاعرافيت ديالك
مرجانة : متخافش عليا احياتي 😌
قصي : 😒
وصلو للقصر ودخلو وكلشي مصدوم من هادي للي تزوج قصي ومعارفين والو عليها لا هي بنت اصل ولا بنت جاه ..
الام: شكون هادي
قصي : ممممرتي
الام: ايوا اس غانقولك اولدي .. تشهيتك شي مرة تكبر وتدير عقلك .. بدلتي بنات الاصل بالجواري
مداهاش فيها وداني لبيتو ..
قصي : هانتي غاتبقاي هنا واياك نخرجي ولا تهضري مع شي واحد.. كنحذرك ..
مرجانة : اجي واش مغاتبقاش معايا .. 😌
قصي : مرجانة : حنا اتافقنا على زواج قدام الناس وصاف .. ماشي على شي حاجة اخرى ..
خرج قصي وخلاها فالبيت بوحدها وبقات كتهضر مع راسها "واخا اقصي .. مازال تجيبك الايام حتى لرجليا" بقات كتشوف فالبيت والزخرفة ديالو .. وحالة فمها فالمنظر حتى لقات راسها خرجات للبالكون .. شوية بانتليها واحد البنت جالسة .. قربات منها وهضرات عندها ..
مرجانة : سلام ..
البنت : شكون نتي ..
مرجانة : انا مرت قصي .. 😌
البنت : شنو 😳
شهقات مرجانة بهدوء وشافت فيها وقالت ..
مرجانة : نتي بنت عمو ياك .. شامة
البنت : ونتي مالك 😠
مرجانة : مم عندك الحق .. غا بغيت نقولك تهلاي فالولد اللي فكرشك .. ولا نقول البنت اللي فكرشك
البنت : 😳 باش عرفتيها ؟؟.. قصي اللي عاودليك ياك .. انا غانتفاهم معاه 😡
دخلات بسرعة .. وخلات مرجانة موراها .. كتستكشف جمالية المنظر .. حتا دخل عندها قصي دغيا .،
قصي: اش هادشي درتي 😡 كيفاش حتى قلتيلها داكشي .. خليتيها تشك باللي انا اللي عاودتلك عليها
مرجانة : ههه هادي هي اللي كتبغي .. دخلت عليك بالله شكون اللي حسن انا ولا هي
قصي: مرجانة دخلي سوق راسك وماشي سوقك فيها كاع
مرجانة : واخا اسيدي ولكن بغيت غا نقولك تقوليها غير ترتاح لدوك العشوب اللي عطاتليها العطارة راه زوينين وغايطيحو منها الكرش بلا متحس.. ولكن مخاصهاش تفوت ليلة اكتمال القمر
قصي : 😥 وشنو كاين تاني .. بغيت ندير شي حاجة نخلي بيها الواليد يرضى عليا وينسى هاد الزواج اللي درتو بلا خاطرو ..
مرجانة : سير لعند الشيخ السريفي .. ديلو كتاب هدية سير جلس معاه وقنعو باللي شاراكته مع باك غاتجيه بالربح ..
قصي : الوليد براسو مقدرش يقنعو نقنعو انا؟ 😑
مرجانة : هادا هو بيت القصيد.. الى قنعتيه نتا باباك غايرضى عليك وغادي يقدر يعول عليك
قصي: وكيفاش غانقتعو 😒
مرجانة : انا غانقوليك .. السريفي غايموت على واحد الارض مولاها مبغاش يبيعها حيت فيها كنز مخبي .. وهاد السيد كيحماق على الكنوز .. ومكيعرف بلاصة الكنز غير انا ..
قصي : فين هو هاد الكنز 😍
مرجانة : بلا ما تفرح .. الكنز اصلا عبارة عن لوحة قديمة مغاتنفعك فوالو .. ولكن الشارف غايحماق عليها
قصي : ها فين هو فين ..
مرجانة : خمسة دالخطوات من شجرة الزيتون باتجاه دار الراجل .. مدفونة تما ..
قصي : كيفاش كتقدري تعرفي كل هادشي 😁
مرجانة : ههه ماشي مهم .. المهم دابا هو تورينا حنة يديك
قصي : غانوريك غا صبري بيا ..
بارت 5
مشات قصي للحاج السريفي وهضرليه على الكنز .. السيد سالو ريوكو ودغيا وافق انه يدخل شريك مع باباه .. بعدها مشا قصي للواليد ديالو وقالو باللي السريفي قبل بالشراكة اللي بيناتهم
الغرفي : اش كتخربق .. واش كتحلم
قصي: كما كنقوليك ابابا انا قنعتو والى متيقتيش هاك هاد المرسول منه.. راه فيه الختم ديالو وهو كيرحب بيك فأي وقت
الغرفي : 😃 واخيرا .. تستاهل جائزة على هادشي اللي درتي .. نقدر نقول دابا باللي نتا ولدي ونقدر نعتمد عليك
بقاو الاخوة كيشوفو فبعضهم من الصدمة .. كيفاش قدر يدير هادشي ..
رجع بسرعة قصي لمرجانة لقاها مع الخادمات غا كتهضر ..
مرجانة : نتي متمشيش لعندها غادي تجري عليك
قصي : مرجانة 😳
ناضت مرجانة لعندو بسرعة
قصي : اش هادشي كديري .. ياك قلتلك هادشي يبقى بيناتنا وحتى واحد ميعرف بيه
مرجانة : واخا واخا .. شفتك فرحان ..
قصي : اه بزاف والواليد راضي عليا ..
مرجانة : مازال مازال .. 😊
قصي: الله يخليك ليا ههه
مرجانة : فخبارك غادي يختارو واحد من خوتك يكون الامين
قصي : مستحيل .. 😳وشكون غايختارو ..
مرجانة : اكيد ماشي نتا 😌
قصي : قوليليا شنو خاصني ندير .. انا اللي خاصني نكون فهاد المنصب ..
مرجانة : غاتكون .. ولكن ماشي دابا ..
قصي: فوقاش اذا .،
مرجانة : مللي ينزل القدر .. ديك الساعة غاتولي نتا هو الامين..
مرجانة خلات قصي حاير ومشات .. شوية جا عندو واحد من خوتو .. قالو باللي الواليد ديالهم بغاهم.. مشا لقاهم مجمعين .. وكيتافقو على شكون اللي غايكون الامين
الرجل : انا فرأيي اسيدي فريد هو احسن واحد يقوم بهاد المهمة ..
الغرفي : اه بالصح .،. هو الامين فولادي .. منخافش يضيع فلوس فسكرة او فقصاير ..
قصي : 😳ً ( الهضرة عليك الحادر عينيك )
ناض من المجمع بعدما تأكد وخلاهم كيباركو لفريد على المنصب الجديد .. مشا لمرجانة مباشرة
مرجانة : جيتي اسعدي ..
قصي : متافقناش على هادشي .. انا اللي خاص نكون الامين ..
مرجانة : خههه ياك قلتلك غاتكون .. ولكن ماشي دابا ..
قصي: فوقاش اذا 😠
مرجانة : حتى ينزل القدر .. 😊
قصي : وهاد القدر فوقاش غاينزل
مرجانة : داكشي مكنقدروش نتدخلو فيه حنا .. حيت كبير علينا .. انا غير عرافة .. كنعرف بعدما ينزل القدر .. 😌
قصي :😠
مشا وخلاها وهي تخرج وتمشي لعند مرت الحاج الغرفي .. لقاتها جالسة ..
مرجانة : احتراماتي لالة ..
الحاجة : نتي 😒 شنو بغيتي ..
مرجانة : بغيت غا نجلس معاك ونتلقى شرف الهضرة معاك
الحاجة : جلسي 😒
مرجانة : عيونك فيهم حزن الالة .. نتمنى تكوني بخير
الحاجة : نتي باش عرفتيها
مرجانة : الحزن الالة كينخر الجسد .. بحالو بحال طاعون .. ونتي حزنك قديم .. والمشكل انه غادي وكيتزاد
الحاجة : 😳 باش عرفتيها ..
مرجانة : تهلاي فراسك الالة ..
الحاجة : اجي لهنا ..
مرجانة : نعام الالة ..
الحاجة : شنو كتعرفي عليا 😠
مرجانة : غير الخير ..
الحاجة : جلسي وهضري ..
مرجانة : الماضي .. وزواج الغصب .. وولد الفيلاج اللي بغيتيه .. والاب ديالك اللي زوجك على ود الجاه والمصالح
الحاجة : باش عرفي هادشي كله 😱
مرجانة : سرك فبيير ومكيعرفو حتى واحد من غيري ..
ناضت وخلاتها فحيرة من امرها ..
بقات مرجانة فبيتها لايام ..حتى قصي مكانتش كتهضر معاه بزاف .. حتى لفجر واحد النهار .. شهقات بعمق حتى فيقات قصي بالخلعة ..
قصي : شنو كاين 😵
مرجانة : قدر فريد هو هادا .. نزل
قصي : شنو هو
مرجانة : خوك ليوما غايطيح من منحدر عميق .. غايتجرح وغايتضرر وايلا متعتقش فالوقت المناسب .. غادي يدوز حياتو كلها فالفراش ..
قصي : 😱وشنو خاصني ندير ..
بارت 6
صي: شنو خاصني ندير
مرجانة : الى بغيتي تمنعو من الخروج .. غاتقدر تعتقو..
قصي : اكيد غانعتق خويا
مرجانة : ولكن رد بالك .. ديك الساعة عمرك مغاتولي امين فحياتك ..
قصي : شنو كتقصدي
مرجانة : يعني تختار بين خوك والمنصب .. ديك الساعة قرر .. القدر كيعطيك فرصة تختار وتحدد مصيرك.. ونتا عليك تختار ..
بقا قصي حاير خرج من البيت .. تلاقا خوه فريد
فريد : صباح الخير
قصي : صباح النور😥
فريد : واش لاباس؟ المهم انا ضروري نخرج دابا حيت عندي شي حاجة مهمة .. غانرجع ونهضرو
قصي : 😥
مقدرش يهضر قصي وتغلبات عليه الانا .. اللي خلاتو يسمح فخوه .. بعد ساعة مشا للمكان اللي وصفاتو ليه مرجانة .. وشاف خوه وهو فحالة يرثى لها ..
قصي : 😭 خويا
نزل بسرعة عندو وهو كيبكي .. جاوبو بصعوبة
فريد : قصي 😩 انا كنتألم .. مقادرش نحرك جسمي
قصي : انا غانعاونك .. متخافش غاتكون لاباس
مشا بسرعة جاب المساعدة وهزوه من تما .. داوه للقصر باش يتداوى .. ولكن الاطباء كلهم قالو باللي فريد مغايقدرش يتحرك مرة اخرى ولا يتمشى ..
حزن الاب بزاف على ولده وحتى الام .. اما قصي فيقا فبيته وضميره مؤنب .. ومكيهضر مع حتى واحد .. مشات عندو مرجانة وقالت
مرجانة : مبروك عليك المنصب الجديد
قصي : خليني بوحدي 😞
مرجانة : خاصك تتحرك ..
قصي: شنو كاين عاود تاني ..
مرجانة : خوك مازن كيدور بالمنصب .. وماشي بعيد يقنع الواليد ديالك انه يديه
قصي : مغانسمحش بهادشي ..
مرجانة : هكاك نبغيك .. نوض مشي هضر مع الواليد ديالك ..محدو مخدر بصدمة فريد
مشا قصي لعند الىاليد ديالو وبدا يهضر
قصي : بابا .. انا عارف باللي الصدمة كبيرة . ولكن راه الخدمة مخاصش توقف .. شكون غايوقف على الخزينة .. وفريد مكاينش .. راك عارف باللي عديانا غادي يديرو اي طريقة باش يوصلو ليها .. واش غاتسمح بهادشي
الواليد : وشكون غايوقف عليها
قصي : انا .. غادي ندير اللي فجهدي
الواليد : دير اللي بغيتي 😞 شد منصب خوك ..
قصي : متخافش ابابا .. انا غادي نكون فالمستوى المطلوب وعند حسن ظنك ..
فرح قصي حيت غايشد منصب الامين اللي كان كيستناه من هادا شحال .. فرح وبدا يحتفل ومرجانة معاه .. حتى لواحد النهار .. مرجانة حسات بشي حاجة ومشات تبعات حدسها .. حتى لقات قصي مع شامة ..
شامة : نتا خاين .. وخدعتيني مع هاديك ..
قصي: فهميني احبيبة انا مكنبغي حتى وحدة من غيرك نتي .. انا ديك السيدة تزوجتها غير باش نوصل لداكشي اللي تمنيتو .. وديك الساعة غانتخلص منها ونطلقها .. غادي توصلني نكون والي .. هادشي علاياش راها معايا دابا.. ولكن كنواعد غير نولي والي .. غادي نجري عليها وديك الساعة غانتزوجك نتي امهجة قلبي ..
بقات كتسمع حتى الاخر .. ورجعات لبيتها
مرجانة : داكشي هو اللي ما عمرك تحلم بيه اقصي ..
بارت 7
بعد داكشي اللي وقع مرجانة ولات حاضية راسها مزيان .. واختارت طريق اخرى .. خصوصا بعدما جات عندها حماتها
الحاجة : لاباس عليك امرجانة
مرجانة : وليت لاباس بشوفتك
الحاجة: قوليلي .. كيفاش كتعرفي داكشي
مرجانة : نحسبك بحال ماما ونعاودلك .. انا كنحلم .. وهادشي متوارث عندنا فالعائلة ولكن حتى واحد ميعرف هادشي .. كنخاف .. خصوصا قصي مقلتلو والو على هادشي
الحاجة: متخافيش .. سرك فبير .. يالله عاوديلي .. شنو شفتي فالحلم
مرجانة : شفتك كتبكي وكندبي حيت باباك محسش بمشاعرك .. ولكن هادشي ماسالاش
الحاجة : بعد كل هاد العمر
مرجانة : داك السيد مازال عايش وكيستناك .. تعيشي معاه داكشي اللي باقيلك فعمرك
الحاجة : ولكن ؟ 😥
مرجانة : ماولكن والو .. نتي ماكبيراش ومازالة صغيرة .. زواجك بهاد الراجل هو اللي كبرك فالعمر ..
الحاجة : ولادي كيفاش غادي نتخلى عليهم
مرجانة : ولادك كل واحد فيهم عايش حياتو
الحاجة : وفريد 😢
مرجانة : بين عينينا .. وانا بنفسي غانتهلا فيه .. المهم هو يسالي هاد الحزن اللي فعينيك
ناضت المرا وخرجات من بيت مرجانة اللي ابتاسمات ابتسامة شيطانية موراها ..
دخل قصي فالعشية وجلس مع مرجانة
مرجانة : شنو اخبارك
قصي: انا اللي خاصني نسولك ..
مرجانة : الولاية قريبة .. وباباك مفتخر بيك بزاف
قصي: بالصح 😍
مرجانة : اه .. ولكن مغاتفرحش بيها حيت غاتوقع شي حاجة غاتخلي كلشي يحزن .. وكلشي يهضر
قصي : اشنو ..
مرجانة : خليها مفاجأة ..
قصي : غا فهميني بمن كيتعلق الامر
مرجانة: بعائلك .. خصوصا ماماك
قصي : غاتجرا ليها شي حاجة ؟ 😳
مرجانة: منعرف .. ولكن فالغالب لا ..
قصي : وشنووو
مرجانة : مكيهمكش .. اهم شيء هو الولاية .. ياك هادا هو حلمك ..
قصي : اه 😍
داز داك النهار وكالعادة مرجانة كتخرج تسحر كل من في القصر بكلامها حتى ولى كلشي تحت امرها .. واحد النهار لقات الشيخ الغرفي جالس .. ومشات عندو
مرجانة : احتراماتي سيدي الشيخ
الغرفي : جلسي ..
جلسات مرجانة وهي حانية راسها وبدا يهضر
العرفي : كيفاش حتى طيحتي ولدي فشباكك
ابتسمات مرجانة بهدوء ..ورفعات راسها
مرجانة : حيت سحرت ليه هههه
الغرفي : باينة عليك ماساهلاش ..
مرجانة : منقدرش نوصلك .. على الاقل انا مقتلتش خويا باش ناخد الورث والحكم
ارتبك الغرفي .. وقال : 😳 اش هادشي كتقولي .. ششششكون قاليك هاد الهضرة ..
مرجانة : متخافش حتى واحد مكيعرف هاد الهضرة من غيري انا .. وايلا بغيتي هادشي يبقى بيناتنا ..
الغرفي : انا غادي نحبسك .. 😠
مرجانة : كنصحك متحاولش .. حيت كنعرف اكتر من هادشي ..
الغرفي : شنو بغيتي ..
مرجانة : بغيتك تعترف بيا رسميا بأني الكنة الوحيدة لحضرتك ..
الغرفي : 😠 موافق .. وبيناتنا هضرة اخرى
بارت 8
خرجات مرجانة من عند الغرفي وهي رافعة راسها وفرحانة .. وهي تتلاقا مع مرتو ..
مرجانة : لاباس عليك الالة ؟
الزوجة : شوية .. مازال كنفكر
مرجانة : اجي معايا لبيتي نهضرو على راحتنا ..
مشاو لبيت مرجانة ودخلو .. وجلسو ..
مرجانة : خاصك تتبعي قلبك
الزوجة : ولكن .. فين غانلقاه بعد كل هاد العمر
مرجانة : مازال فالفيلاج .. انا نوريك طريقه .. هو مازال كيستناك .. سيري عندو وهربو من هنا .. خرجو من هاد الفيلاج كاع ..
الزوجة : فين كاين هو ..
مرجانة : كاين حداد واحد فباب السويقة .. كيكون تما بعد صلاة الفجر ..
الزوجة ؛ 😞 خايفة
مرجانة : سمعي لقلبك .. واتاخذي القرار المناسب
ناضت ام قصي من عند مرجانة اللي بقات كتفكر كالعادة .. فالعشية .. جا قصي..
مرجانة : امضرا .. كيف غادي مع امور الخدمة
قصي : بخير .. امضرا نتي .. شنو فيها..
مرجانة : سمعني مزيان .. الخزينة غايختلس منها واحد من الاعيان مبلغ كبير من المال ،. وغايحاول يهرب .. الى قدرتي تشدو وتفضحو كلشي غايتيق فيك وغايعرف انك على قد المسؤولية .. وغايعطيوك منصب الولاية ..
قصي : 😍 شكون هادا ..
مرجانة : مغانقولش ..
قصي : مرجانة 😘
مرجانة : غانقول ولكن بشرط ..
قصي : تشرطي ..
مرجانة : ملي غاتاخد الولا غادي نبان رسميا زوجة ليك .. وكلشي غايكون تخت خدمتي ..
قصي : ولكن .. صعيبة
مرجانة : ديك الساعة غاتكون الوالي .. وحتى واحد مغايناقشك فهادشي ..
قصي : موافق .. شكون هادا
مرجانة : خوك مازن 😌
قصي : شنووووو 😱
مرجانة : كما سمعتي .. خوك مازان غادي يحاول يسرق .. وغايستغل مكانتك ..
قصي : كيفاش غانفضح خويا
مرجانة : الى فضحتيه هادا غايكون اكبر دليل على حرصك على شؤون العباد .. ومصلحتهم وامين على مالهم .. في وجه اس واحد واخا يكون خوك اللي من لحمك ودمك .. ديك الساعة غايأمنولك .. وغايتيقو فيك
قصي : كنتحط فمواقف صعيبة بزاف
مرجانة : الى بغيتي توصل .. هادا هو الحل الوحيد .. والا رجع لحياتك وبقا امين وماشي بعيد ياخد منك هاد المنصب شي واحد اخور
قصي : ياخدوه مني 😳
مرجانة: اه ..
الغد ليه مشا قصي .. وتطقص تحركات خوه .. وفعلا لقاه كيحاول يسرق.. حصلو هو وحاشيته ..
قصي: اش كادير ..
مازن : قققصي ..
قصي : عمري تخيلت انا خويا غادي يغدر بانتماءه وقبيلته ..
مازن : خخويا شوف .. نتا مغاتفضحنيش ياك ..
قصي : شدوه وديوه للقاضي .. اللي يدير الذنب يتعاقب ..
شدوه الحرس ديال قصي وهو بدا يغوت
مازن : قصي قصي خليهم يطلقو مني .. قصي .. واش غاتحاكم خوك .. قصي ..
قصي: هادي امانة .. نتا هنا بحالك بحال جميع ولاد الفيلاج
شاع خبر قبض قصي على خوه مازن وهو في صدد سرقة الخزنة .. وكلشي ولى محترم هاد الشخص .. اجتمع اعيان الفيلاج .. ومعاهم الشيخ الغرفي .. وقصي اللي جلس حداه وهمسلو بشوية ..
الغرفي : اش هادشي درتي
قصي : نتا اللي علمتيني حفظ الامانة
الغرفي : ولكن هادا راه خوك
قصي : خليني عليك الواليد .. مغاتورينيش خدمتي
بدا الاجتماع بالاطراء لشرف وامانة قصي .. واللي بعدها قررو يجعلوه على رأس الولاية .. ووالي الفيلاج.. كلشي هنئو رجعو ديك الساعة للقصر .. باش يفرحو الجميع .. مرجانة اللي كانت كتستنى بلاصة زوجة الغرفي .. دخل فجأة ولقا بلاصة
بارت 9
الغرفي : اش كاديري هنا .. فين هي لالاك
مرجانة : انا اللي عمرت بلاصتها .. هي مشات ..
الغرفي : فين مشات .. واش هاد الطريقة اللي كتهضري بيها..
مرجانة : مرتك مشات .. هربات مع حبيب شبابها .. طجات بالدارجة ..
الغرفي : 😳 اا اشش شنو .. كك كيفاش ..
مرجانة : مرتك مشات وهربات مع واحد اخور .. شنو كيصحابليك غاتبقى مع واحد بحالك ..
طاح الغرفي فالارض وهو مقادرش يدوي .. شافت فيه مرجانة مزيان وابتاسمات ..
مرجانة : بالسلامة .. الشيخ الغرفي ..
مشات للبيت وحلات الباب وبدات تغوت ..
مرجانة : عتقونيي قصي .. عتقوني
كلشي جاو كيسولو اش واقع
مرجانة : معرفتش انا دخلت نطل على الحاجة لقيت الشيخ الغرفي طايح هنا ومكيهضرش ..
هزو الشيخ الغرفي وجابولو الطبيب .. ولكن للاسف قال ان الغرفي جاه شلل .. وميقدرش يهضر او يتحرك ..
كلشي حزن بسبب الغرفي .. والصدمة هي مللي جا خبر هروب حداد مع زوجة الشيخ .. كلشي فالفيلاج ولى كيهضر عليها ..
مرجانة : مسكين الشيخ الغرفي .. هادشي علاش طاح .. ومقدرش يتحمل الصدمة ..
قصي: مكنتيش عارفة 😠
مرجانة : حسيت باللي شي حاجة خايبة غاتوقع ولكن ماعرفتش باللي هاكا ..
قصي : هضري نيشان .. شنو كاين مازال .. عائلتي وتدمرات كلها .. شنو كاين مازال ..
مرجانة : غا تهدن .. 😌 خاصك غير تعترف بيا دابا وترجعنس اميرة على عرش القصر .. وديك الساعة ...غايكون كله فرح
قصي : يا خوفي منك ..
مشا قصي ..وبدات كتهضر
مرجانة : نتا اللي بديتي اقصي .. مازال غاتشوف الويل ..
خرج من عندها قصي وهو كيهضر مع راسو ..
قصي: اش هادشي درت فراسي .. بقيت تابع مرجانة حتى خرجات على عائلتي كلها واستوطنات هي .. وماشي بعيد تستولي على كلشي .. اش غاندير .. ولات فالقصر بحال السرطان اللي كينخره .. حتى الخدم ولى كلشي تحت امرها .. بسهولة ولات هي كلشي .. وخرجات امي .. وجلسات بلاصتها .. ومغانستغربش الى شي نهار خرجاتني انا من الولاية وولات هي بلاصتي .. خوتي بجوج وحتى بابا .. حتى واحد مكاين فجنبي .. حارباتهم بيدي .. واستفردات بيا .. لعباتها صحيحة .. من اول يوم تلاقاتني فالواد كانت مخططة لكلشي .. بذكاءها وشعوذتها قدرات تشدني من كل الجهات وللاسف وليت مكتف مقادر ندير والو .. يا ربي عاوني يا ربي ..
كان خارج حتى تلاقا بشامة خارجة وهازة حوايجها
قصي: فين غادة ..
شامة : انا مغانبقاش هنا .. واش نبقى بوحدي معاها .. تخيل قتلاتني او دارت فيا شي حاجة..
قصي : وغاتخليتي بوحدي معاها
شامة : نتا اللي جبتيها النهار اللول .. تحمل عواقب افعالك بنفسك ..
مشات وهو موراها كيترقبها .. ترى اش غايوقع كتر وكيفاش غايتخلص قصي من مرجانة ..
بارت 10
مرجانة : واخيرا وصلت لداكشي اللي بغيت .. وانت اقصي معمرك غاتقدر تتخلص مني ..
جات وحدة من الخدم لعند مرجانة ..
الخادمة : لالة .. شي ناس كيقولو باللي هما عائلتك بغاو يشوفوك ..
مرجانة : دخليهم بسرعة 😍
دخلو والدين مرجانة ورحبات بيهم .. اما هما بقاو مبهورين
الاب : واش انا كنحلم .. دخلت للقصر دافنى راجل فالفيلاج ووليت نسيبهم ..
مرجانة : وعلاش ماحلمش تكون مولاه كاع ..
الاب : عمري نحلم بيها ههه
الام : علاه باك عندو باش يشري خبز حتى يمتلك قصر ..
مرجانة : كما دخلتوه ونتوما عمركم حلمتو بيه
دازو دوك الايام وعائلة مرجانة ساكنة فالقصر .. اما قصي شاد المنصب ديالو حتى واحد النهار
قصي : مرجانة .. كاين شي جديد ..
مرجانة : اه
قصي : شنو 😳
مرجانة : بغيت تعرف بيا كسيدة القصر الاولى فالفيلاج
قصي : خلينا نأجلو هادشي شوية ..
مرجانة : الى مابغيتيش .. تحمل مسؤوليتك حيت المنصب ديالك غايطير بحال الطيور ..
قصي: علاااش 😧
مرجانة : هاد المرة انا اللي غانطيرو ليك .. ونتا عارف انه ماصعيبش عليا نديرها ..
قصي : نتي حية .. وتلويتي عليا كما بغيتي بلا منحس .. حتى وليتي باغا تقجيني ..
مرجانة : اللي عجبك 😌
ناض من حداها وخرج ..
مرجانة : قبل متكح اقصي كنعرف فاش غاتفكر ..
بقات مرجانة مستولية على القصر وعايشة فيه كما باغيا .. وكلشي ولى كيهضر على بنت الفيلاج اللي ولات سيدة فالقصر .. حتى دخل عندها واحد النهار قصي ..
قصي : مرجانة ..
مرجانة : عيون مرجانة ..
قصي: عمرنا مسافرنا مرا .. من نهار تزوجنا وحنا فهاد الفيلاج وهاد القصر
مرجانة : وشنو نديرو
قصي: نمشيو نفوجو على راسنا شوية .. غا يوماين ..
مرجانة : فكرة زوينة .. نمشيو .. 😌
خرج قصي ومرجانة ومشاو لقمة الجبل .. ودخلو فدار صغيرة ..
مرجانة : هادي دارك؟
قصي : اه .. كنجي نفوج فيها مللي نقنط ..
مرجانة : مزيان ..
قصي : عجباتك الدار ؟
مرجانة : حبيبي انا معاك واخا فجهنم .. غانكون مرتاحة ..
قصي : غاترتاحي كتر امرجانة .. غاترتاحي .. باينة باللي الخشب تسالا غانجيب باش نشعلو المدفئة ..
مرجانة : خود راحتك ..
خرج قصي وخلا مرجانة فالدار .. بقا كيشوف فيها .. وقرب شوية عطا اشارة لشي رجال خرجو من كل حدب .. وشعلو العافية فديك الدار .. بقا كيشوف فيها :
قصي : نتي اللي وصلتيني اهادشي امرجانة .. اللي بحالك خاص يموتو ... جريتي على امي وكنتي السبب فاني نحبس خويا ونطيح خويا الفراش .. وبابا تشلل .. موتي امرجانة موتي ..
بقا كيشوف فالعافية وهي كتاكل الدار .. ولكن موت مرجانة ماهي الا البداية .. ماشي النهاية .. بداية للعنة غاتتبع الفيلاج وقصي .. انتظرونا قريبا بجزء ثاني اكثر تشويق .. تأليف دودي العيساتي