البارت 21
وصل اكرم والام لدار الريان اللي ترددات بزاف قبل متدخل ..
- اكرم خلينا نرجعو انا مقادراش ..
- شدي راسك ..تشجعي هادي فرصة تشوفي بنتك ..
- صبرني يا الله
دخلت الام واكرم وكان فاستقبالهم .، لينا ..
لينااهلا .. لاباس عليك .. شكون بغيتو
الام:بغيت عايشة ..
لينا: كنتأسف بزاف .. ولكن عايشة مكايناش .. ولكن شكون نتوما وفين كتعرفو عايشة ..
اكرم : عائلتها .. فين مشات
لينا: الصراحة معرفتش .. ولكن اللي كنعرفو انها مشات
الام بقا فيها الحال وتصدمات من الخبر للي خيب املها فأنها تقدر تشوف بنتها مرة اخرى .. خرجات هي واكرم ولكن سمعات شي حد كيعيط ليها ..
- عالية ..
تلفتات تشوف شكون لقات ام مراد ..
- سامية .. !!!
بقات بيناتهم مدة صمت حتى دواو من جديد .
سامية : اش جابك بعد كل هاد السنين واشنو اللي فكرك بينا
عالية : بنتي .. عايشة اللي ظلمتوها كما ظلمتوني
سامية : عايشة !!! عايشة بنتك 😳؟؟
عالية : اه بنتي .. وبنت عم ولادك ..
سامية: سكتي .. متهضريش .. عندك اسمعك شي حد من ولادي .. ولا غادي نقتلك بيدي هاد المرة ..
اكرم : التزمي حدودك الالة .. واحترميها ولا غاندير معاك شي اجراء اللي مغايعجبكش
سامية: شكون نتا تاني ..
عالية : هادا ولدي .. طبيب .. مبقيتش مقطوعة اسامية .. حتى انا ولات عندي دار وعائلة ومكانة اجتماعية .. والفلووس اللي ضمرتوني على قبلهم
سامية: سيري بحالك .. بنتك مراهاش عندنا .. سيري قلبي عليها بعيد علينا ..
اكرم : غانلقاوها وغاناخدو حقنا منكم ..
سامية : خرجو من داري ..
خوجو اكرم وعالية من الدار وركبو طوموبيلتهم .. اكرم : واش نتي لاباس
عالية : لا ..
اكرم : حيت غانبداو نقلبو من جديد ياك
عالية : انا حاسة باللي عمري مغانولي نشوف بنتي مرة اخرى
اكرم :متقوليش هاد الهضرة .. خلي عندك امل .. غانلقاوها انشاء الله ..
عالية : انشاء الله
عند عائشة ..
بقينا مع عمتي حتى ولات لاباس .. شفت فولدها وكنقولو بعيني خلينا نمشيو عند علي .. فهم قصدي وناض خرج معايا ..
- يالله نمشيو ..عمتي ولات لاباس ..
- واخا ..
شدينا الطوبيس اللي كان عامر بزاف ومحملتوش حيت شي لاصق فشي وريحة العرق كتخنق .. وصلنا لواحد الحي شعبي عامر والديور فيه قديمة .. بقينا كنمشاو حتى طلعنا فواحد الدار ..
- واش هنا ساكن علي ..
- اه فالسطح ..
تسارعت دقات قلبي .. واخيرا غادي نشوف علي واخيرا
اكمل القراء في الاسفل
البارت 22
بقيت كنطلع حتى وصلنا للسطح .. وانا رجليا كيترعدو .. بقيت كنشوف البيوت حدا بعضها .. مشا ولد عمتي يدق .. شوية تحل الباب خرج منه علي .. انشرح قلبي .. هو خرج بحال الى خارج من شي غار .. لابس شورت وتيشرت .. ساف فيا وتصدم ..
- علي 😍
- عيشة 😳
- علي انا رجعت ليك .. واش متوحشتينيش .. انا هربت على قبلك ..
- ام اب..
-مالك اعلي .. واش مفرحتيش مللي شفتيني
- لا فرحت بزاف 😅
شفت فيه كان مصدوم بزاف .. يمكن مكانش متوقع اني غانرجع .. شوية سمعت مورايا شي صوت خلعني .. تلفت لقيت مرا طبوزة وظخمة بزاف وملاحمها كيخاعو وحجبانها خيط .، وراسمة عينيها بالحكل كتبان بحال فرعون .. حناكها كبار مزيرين على فمها اللي صغير ورقيق اللي راسماه حتى هو شعرها صابغاه بالحمر بحال الجن ولابسة جلالة مزيرة عليها وصندالة .. ووسط هادشي كله كتاكل المسكة ..
المرا: علي شكون هاد الناس 😠
علي : هااا هاادو .. اام ..
عايشة : علي . شكون هاد المرا ..
شفت فولد عمتي كان كيضحك ومفهمتش علاش
المرا : انا صاحبته .. انا اللي مسكنة هاد الخانز معايا فالدار .. بالعربية تاعرابت انا هي الميمة اللي كيعرفها ..
عايشة: كيفاش الميمة ..
بدات كتضحك ..
المرا : هه معرفتيش اشناهيا الميمة ..
عايشة : لا 😥
المرا : هي صاحبته ..اللي عايشة معاه ففراش واحد .. ونزيدك انا اللي كنصرف عليه ..
قلبي بحال الى خشيتي فيه موس .. اشهادشي كنسمع .. شفت فعلي اللي كان كله عرقان وباينة فيه الخوف .. حنا راسو ..
المرا : ونتي الزوينة مقلتليش شكون ..
مقدرتش نتحمل مازال نوقف هنا .. طاح من عيني ودار طيحة خايبة .. جريت ومشفتش قدامي .. بقيت كنجري فالدروج وحاطة يدي على كرشي .. هربت على قبل علي .. اللي صدق فالصو .. صدق بايع راسو .. صدق واحد الحثالة اللي تحمل يعيش مع وحدة بحال هادي .. قد مو .. معرفتش علاش .. بقيت كنجري .. حتى لقيتو مورايا كيعيط اه علي تبعني ..
- عيشة .. عيشة .. عفاك وقفي نشرح ليك .. عفاك
لحق عليا وشدني من يديا بجوج ..
- اش بغيتي طلق مني ..
- عفاك غا سمعيني نشرح ليك
- متشرح ليا منشرح ليك .. بعد مني وعطيني بالتيساع.. انا مكنعرفكش .. انا علي اللي كنعرف وعشت حياتي كنبغيه من صغري ماشي هو هادا .. ماشي موسخ بحالك ..
- عفاك اعيشة .. والله مالخاطري عفاك سمعيني
ظروفنا خيابت بزاف .. وتشتتنا .. ومكان بيدي حل .. عفاك سمحيلي وانا مستعد نكون عبد تحت رجليك .. مستعد نكون خاتم بين يديه واللي قلتيها هي اللي غاتكون ولكن عفاك سمحيلي .. وخلينا نبداو صفحة جديدة ..
- انا تصدمت فيك صدمة عمري .. انا مستحيل نسامحك .. مستحيل ..
عند مراد ..
فالطوموبيل كان مراد كيصوك وبدا يهضر
- هادا هو العنوان ديال داك النذل ..
شوية وهو يشوف فالزنقة علي شاد عيشة .. ومقربين بزاف من بعضهم
-😓 عيشة..
البارت 23
بعدما شاف مراد عيشة وعلي مع بعض .. مقدرش يصبر .. نزل من طوموبيلته واتجه ليهم ..
علي : عايشة شوفي فعينيا كنترجاك .. شوفي على قبل الحب الكبير اللي كان بينا .. سمحيلي
عيشة : نتا خليتي فيها شي حب .. نتا ضيعتي كلشي .. كيفاش غانسى ديك المرا .. كيفاش غانقدر ننسى هادشي .. نتا ضيعتي كلشي
مازال كنهضر معاه حتى كنسمع مورايا صوت .. خلاني نتزعزع .. صوت كنعرفو مزيان .. هادا مراد ..
مراد : على قبل هادا هربتي وولدي فكرشك ..
شدني مراد اما علي فطاحو ليه الركابي بقوة الصدمة مللي شاف قدامه مراد اللي عارفة انه كيخاف منه بزاف ..
علي : عايشة حاملة منك 😨
مراد :.. نتا واش بغيتي نقتلك ولا .. واش مبغيتيش تبعد من طريقي ..
عايشة : طلق مني ..
مراد : نتي كتحلمي ،. نتي غاتجي معايا .. ومعمرك غاتشوفي الشمس مازال ..
بديت كنقاومه ولكن هو شدني بزاز .. بحال الى شادني شي وحش .. مقادراش نفلت منه .. بداو دموعي كيطيحو تلقائيا .. لا مبغيتش نرجع للعذاب مرة اخرى .. مبغيش نرجع للحبس ديالو .. مبغيتش .. ولدي مغايتزادش تما ..
مراد : انا غاندمك .. عمرك غاتعاودي تفكري تهربي مرة اخرى .. انا غانربيك ..
علي شافني كنبكي وبدا كيحاول يفكني منه .. طلق مني مراد وضربو حتى طاح ومقدر ينوض ..
- لاااا .. واش نتا ماشي بنادم ..
- انا غانوريك ...
شدني من دراعي وبدا يجر فيا .. وانا كنتخصص بالبكا حاسة راسي بحال شي وحدة غادية اعدموها .. الموت ولا العيشة مع مراد .. بدا كيسب ويجرجرني .. حتى طلق مني فجأة شفت الدم كينزل من دراعه بزاف .. طلعت راسي لقيت ولد عمتي .. اللي شدني دغيا وبدا يهرب ..
- زيدي دغيا خاصنا نهربو ..
بدينا كنجريو وكنشوف مورايا مراد اللي كان كيتقطر منه الدم واللي جلس الارض .. خفت ولكن معنديش حل من غير اني نهرب .. هربت .. عاد تنفست مللي بعدنا .. شدينا الطوبيس .. وبقيت كنفكر للحظة بقا فيا مراد شكون غايعتقو فداك البلاصة ...
- خويا كون غير مضربتيهش ..
- واش نتي مسطية .. راه كان باغي يديك بزاز
- 😔 .. اجي قولي .. واش كنتي عارف ان علي ساكن مع ديك العقروشة
- الصراحة اه 😒 .. كنت عارفك مغاتيقينيش فديتك تما تشوفي بعينيك ...
- يا ريتني مشفت ..
- صافي نساي .. خاصنا ندوزو للكلينيك
- واخا
البارت 24
مشينا لعند عمتي طمأنينا عليها .. لقينا معاها خديجة ..
عيشة : كيبقات عمتي
خديجة : ولات لاباس .. الحمد لله
عيشة : كيتهلاو فيها هنا .. فرق كبير
خديجة : الفلوس كتبدل كلشي .. الفلوس هي كلشي ..
عيشة : لا اختي .. الفلوس ماشي هي كلشي .. والدليل هو حياتي مع مراد .. كلشي متوفر ولكنه جحيم .. لا يطاق ..
خديجة : حتى الفقر اكتر .. نتي لوكنتي بنت شي واحد اللي لاباس عليه ،. مكنتيش غاتوصلي لهاد العذاب كله ..
عيشة : انا لوكانو والديا عايشين مكنتش غانوصل لهادشي .،
عند سامية ..
الريان : فين هو مراد ..
سامية : معرفتش .. انا خاصني نهضر معاك ..
الريان : معنديش الوقت ..
سامية : ليوما جات هنا عالية ..
الريان : 😳 عالية..
سامية : شفتك غا سمعتي سميتها مبقيتيش مشغول ..
الريان: علاش جات ..
الخدامة: لالة التلفون ..
خدات سامية التلفون من الخدامة
سامية : الو .. وي هادي هي دارو .. شنو .. 😳 ولدي .. 😭 ولدي اش وقع ليه .. اينا سبيطار .. واخا واخا .. حنا جايين ..
الريان : اش واقع مالو مراد ..
سامية : شي حد تعدا عليه وضربو بالموس .. انا قلتلك الف مرة خاصنا نجيبولو حراس شخصيون .. نتا كتهاون ..
الريان : ماشي وقت الهضرة دابا .. خاصنا نمشيو عندو..
مشاو والدين مراد للسبيطار ودخلو عند مراد اللي كان متكي .. دخلت سامية كتبكي
سامية : ولدي 😭 واش بغيتي تسطيني .. شكون اللي دار فيك هاكا ..
مراد : انا خاصني نوض .. واحد الشمكار ضربني وخدا مني عيشة .. 😨
سامية: عيشة 😤!! بقا اولدي .. حنا غاناكلفو ..
خرجو الريان وسامية بعدما تهدن مراد وبداو يهضرو ..
الريان: ولدك مزعوط ..
سامية : هادي راه كارثة ..
الريان : وعلاش كارثة .. البنت عاجباه علاش مسكمل حياته معاها ..
سامية : مزاجي خسر بسبب ديك عالية.. نتا اجي كمل عليا ..
الريان : فكرتيني فيها اش كانت باغا وعلاش جات
سامية : جات تقلب على بنتها
الريان : بنتها !!! وحنا شنو علاقتنا ببنتها
سامية : وراه بنتها هي اللي مزعوط فيها ولدك
الريان: اشكون كتقصدي .. عي..!!!
سامية : اه عيشة
الريان :
البارت 25
الريان : مستحيل ..
سامية : خاصنا نلقاو عيشة قبل ميلقاها مراد .. راك عارفها حاملة .. راها مغاتبقاش دية .. والى عرفات الحقيقة ماشي بعيد تطالبنا بميراثها من حق باها .. والى ولدات ولد .. غاتدي الجمل بما حمل ..
الريان : انا مغانسمحش بهادشي .. خاصنا نلقاوها.. وعالية فين راها ..
سامية : مالك كتسول فيها .. مشتاق .؟😏
الريان: لا لا .. غا بغيت نوصل لعيشة قبل منها وصاف ..
سامية : تيقتك ..😏
عند عالية ..
عالية : اكرم كاين سي خبار على بنتي ..
اكرم : انا وصيت كاع صحابي .. وبارطاجينا سميتها ومعلوماتها فالفايسبوك .. على امل شي حد يكون شافها ..
عالية : يا ربي .قد ما انا مشتاقة نشوف بنتي .. قد ما انا خايفة بزاف .. كتر ما تتصور من ردة فعلها
اكرم : متهزي هم .. هي غاتفرح بزاف مللي غاتشوفك ..
عالية: باش عرفتيها ..
اكرم : حيت اللي محروم من الحنان حياته كاملة مغاديش يقدر يقاوم امراة حنونة ..
عند عيشة ..
خرجنا عمتي من الكلينيك بعدما ولات حالتها زوينة .. ديناها للدار وحنا فرحانين .. بقينا نقشبو ونقصرو حيت مامشاتش خديجة للخدمة داك النهار .. حتى سمعنا الدقان.. مشينا فتحنا دخل عندنا واحد الراجل قرع وعريض .. يفصل مني 17.. دخل اتجأ ديريكت لخديجة هزها بيد وحدة وكلنا مصدومين .. بقيت كنغوت عليه حطها الحمار حطها .. هو مداهاش فيا ولا فخوها خرجها معاه .. وحنا مصدومين من داكشي اللي كنشوفو .. اما عمتي شدات يدها على فمها ومقدات تهضر .. الراجل ركب خديجة فطوموبيل كحلة اللي كان فيها شيفور اخور ركب معاها وكسيراو ... خلاو موراهم غير لعجاج .. خفت بزاف من هادشي اللي شفتو .. خديجة متستاهلش هادشي .. وفنفس الوقت خفت على عمتي اللي عاد خرجناها من السبيطار .. مشيت كنجري عندها.. لقيتها شادة راسها وكتهز ..
- عمتي ..واش نتي لاباس ..
- انا السبب.. انت اللي وصلت بنتي لهادشي ...انا السبب.. انا اللي خرجت عليها ..
- نتي ماعليك والو هادا قدرها .
- لا .. انا كان خاصني نقطع من لحمي ومنخليهاش تمشي فهاد الطريق ..
- عفاك تهدني .. متعصبيش راسك .. دابا ترجع
- انا اللي خرجت على بنتي ومستقبلها .. 😭
بقبت كنحاول نهدن عمتي اللي حالتها ولا صعيبة بزاف .. ومكتقدرش تنعس ..
عند مراد :
- راضي .. اش درتي فداكشي ..
- مشيت لداك البلاصة وقلبت على اللي سميتو علي وملقيتوش ..
- مبغيتيكش ترجع عندي الى ملقيتيليش عيشة فهمتي .. مبغيتش نشوف وجهك الى مكانتش فيدك .. وحتى داك الويل دعلي .. بغيتو بين يديا .. هاد المرة مغانرحموش ...
- مفهوم ..
البارت 26
اكرم: ماما .. فين باغا تمشي ..
عالية : عند ختي .. غادي نشوفها هي مهما كان ختي ومحتاجاني .. ظروفها صعيبة حاليا وراجلها معندو صحة يخدم ..
اكرم : اريلي يدك نبوسها .. الله يخليلي هاد القلب الزوين ..
عالية: الله يرضي عليك اولدي .. يالله نخليك ..
اكرم : بلاتي خليني نمشي معاك .. متعرفي تحتاجيني فشي حاجة
عالية : ولكن اولدي خليك مع قرايتك .. راني وليت معدباك بزاف هاد الايام ..
اكرم : عدابك راحة .. متخافيش .. دراستي عاطيها وقت مزيان ..
مشاو اكرم وعالية .. واستقبلاتهم فاطمة الزهراء اللي اول مرة تتعرف على اكرم وعلى خالتها ..
فاطمة الزهراء : هادشي غريب .. يعني عيشة عندها عائلة ..
اكرم : صحيح .. مكرهناكمش تعاونونا نلقاوها ..
عالية : ختي انا مشيت للدوار وتلاقيت سامية .. عرفت منها ان بنتي هربات ..
صالحة : مجاتش عندنا .. فين ممكن تكون مشات
اكرم : مدامها هربات الا وغاتحاول تلقاكم .. الاشكال فانها عمرها عرفات المدينة ولا عارفاكم نتوما فين ..والاكثر من ذلك انها معندهاش بطاقة تعريف .. يعني ميمكنش نلقاوها عن طريق الامن واش معندكمش شي صورة ليها ؟
فاطمة الزهراء: انا عندي .. تصورنا انا وياها واحد المرة ..
اكرم : جميل جدا .. ممكن تجيبي التصويرة
فاطمة: واخا .. دقيقة
مشات فاطمة الزهرا ورجعات بعد وقت قصير ..
فاطمة الزهرا: ها هي ..
خدات عالية الصورة .. وبقات كتشوف فيها ودموعها نزلو لا اراديا ..
عالية : بنتي 😭
صالحة : شفتيها شحال كتشبه فيك ..
عالية : بنتي تكرفصرلي عليها .. انا السبب .. لوكان رجعت ناخدها .. مكانش غايطرا ليها هادشي .. انا انانية بزاف
اكرم : ماما عفاك تهدني ..
صالحة : لوكنتي رجعتي .. اكيد كانو غايقتلوك .. ولوكانو عارفين ان البنت بنتك ... كانو غايقتلوها ..
اكرم : كلشي غايرجع كما كان متخافيش .. انا غاندير اعلان ..ومتأكد غادي نلقاوها ..
بقاو جالسين حتى سمعو شي حد كيدق فالباب .. حلات فاطمة الزهرا وهي تغوت
- علي شكون اللي دار فيك هادا ..
علي كان مضروب دخل دغيا سد الباب ناضو كلهم كيتفقدوه شاف فاكرم وعالية خاف كتر شاف فامه كيستفير وهي تفهمو .. ان هادو عائلتها وكيقلبو على عيشة ..دودي العيساتي
علي: عيشة 😳 جات عندي البارح
عالية : شنو وفين هي دابا
علي : جا عندنا مراد وكان باغي يديها بزاز
اكرم : شكون اهوا مراد 😒
علي : ولد الريان .. اللي خداها دية 😢 واللي عيشة حاملة منه
كلشي: حاملة 😱
اكرم : ولكن بغيت نفهم واش عايشة مزوجة بهاد مراد ؟؟
عالية : لا 😔 ولكن راها عندهم دية ..
اكرم : هادي راها جريمة .. واش هي لعبة فيدهم .. دابا عاد عرفت علاش عيشة هربات من تما ..
عالية : انا عارفاهم مزيان .. هما مفقلبهم رحمة .. واكيد مارسو عليها كل انواع التعذيب .. واللي جاي اكبر .. انا متأكدة انهم بعدما عرفو انها بنت ربيع .. غايحاولو يتخلصو منها ..
اكرم : مغانسمحش ليهم .. علي قول ليا واش خداها اللي سميتو مراد ..
علي : لا .. دافع عليها ولد عمتي ..نبيل ..
وهربو ..
اكرم : واش يقدر تكون مع عمتك فالدار ..
علي : يمكن .. ولكن منضمنش ليكم واش يوصل ليه مراد قبل منكم .. هو كيقلب عليا وناوي على خزيت .. واكيد غايقلب حتى على نبيل حيت ضربو.. ومغايرحموش
البارت 27
الليل هادا وباقي معرفنا حتى حاجة على خديجة .. الله يستر وصاف .. شوية سمعنا باب الدار تفتح جريت بسرعة نشوف لقيت خديجة جات ولكن وجهها كله زرق بل كحل بقوة الضرب اللي تلقاتو ومنفوخ كله ..الله يا ربي اش هادشي .. وبالكاد قادة تتحرك .. شديت فيها وديتها للناموسية ديالها ..
- خديجة .. شكون دارلك هادشي وعلاش ..
- عفاك متقولي والو لماما .. دودي العيساتي
- فكري فراسك دابا .. راه .بحال الى داز عليك كاميو .. اش هاد الحالة ..
- قدري ..هو اللي دارهالي ..
- عاوديلي اش وقع وشكون هاداك اللي هزك قبيلة .. عاوديلي عفاك ..
- انا كنت خدامة .. وفالعادي كنسربي على الزبائن فالكاباريه .. حتى جا عندي واحد الحولي عطاني نمرته .. خبعتها .. بلا خبار مول الكباريه .. مكنتش باغا نهضر معاه ولا نتافق معاه على شي حاجة حيت عارفة باللي مصيري غايكون هاكا .. حيت مول الكباريه كيبغي كلشي يدوز على يدو وكياخد نسبة كبيرة وكيلوح لينا حنا الفتافيت .. ولكن مرض ماما جا على غفلة ومكانش عندي وقت باش نفكر .. وحتى الشاف كان غايذلني وصاف .. اتصلت بداك الويل واتفقت معاه على كلشي .. بدوك الفلوس خلصت السبيطار . ومللي ساقو الخبار هاشنو دارو فيا
- 😳 انا كان يصحابلي غير مراد اللي معندو قلب .. صدق كاين اللي كتر .. الحيوانات موجودة بزاف فهاد الدنيا .. قولي وحوش..
- مكرهتش نموت ونتهنى من هاد العذاب .. 😭
- متقوليش هكاك .. ربي خلقك وهو اللي غايحميك.. عندنا الله يحفظنا .. ومعرفتيش اش مخبي ليك فالقدر مازال .. يمكن شي سعادة
- سعادة؟! اللي بحالي ماشي من حقهم يفرحو .. انا تزاديت باش يمسحو فيا الناس رجليهم ..
- عفاك تهدني وحاولي تنعسي ..
غطيتها وحاولت نهدنها .. وخرجت مشيت لعمتي نشوفها .. لقيتها كتصلي كالعادة شافتني من الجنب وقالت
- واش نعسات ..
- 😳 باش عرفتيها جات ..
- مللي غاتولدي غاتعرفي ..
- عمتي .. ولكن ..
- بنتي خديجة هزات بزاف على ظهرها وتمحنات بزاف .. حرام هادشي .. اللي فالسن ديالها كيفرحو براسهم .. وكيعيشو اجمل ايام حياتهم .. كيتزوجو وكيعرسو وكيحملو .. اما هي .. شوف اش كتتحمل .. المذلة .. بعض المرات كنندم حيت ولدت ولادي باش يتكرفصو فالدنيا وكنقول .. مادام كنت عارفك راسي مزوجة براجل فقير.. وعايش بالقليل .. علاش ولدت وفرحت .. كون مولدتهمش حسن .. حيت تزادو لهاد الدنيا يتكرفصو ..
هضرة عمتي خلاتني نفكر مزيان .. علاش انا نولد .، ونعذب ولدي ولا بنتي .. علاش وانا عايشة هربانة من مراد .. غانولدو فعائلة مازالة كتاخد بالتقاليد ..
مراد خرج من السبيطار ورجع مع عائلته للدار ..
الريان : ولدي شوف اش جاك بسبب ديك البنت .. نحمدو الله اللي جات غيفهادشي ..منظمنوش توقعليك حاجة اكتر ..
مراد : اش بغيتي تقول ابابا ..
سامية : باباك كيقول الصح .. باراكة متقلب عليها .. اش غادير بيها ..
مراد : ولكن ولدي فكرشها .. واش حتى هاداك بغيتوني ننساه ..
الريان : الى كان على الولاد .. انا مستعد نخطبليك اللي بغيتيها من غدا .. نديرلك اكبر عرس فالدنيا .. ولكن مامستاعدش نخسرك اولدي .. ونتا عارف اعداءنا كتار ..
مراد : نتوما كتطلبو مني المستحيل ..
سامية : هادشي بزاف .. واش انا تخلصت من وحدة بزاز تطلعلي بنتها ..
مراد : اش كتقصدي ..
الريان : مكتقصد والو اولدي .. سامية تهدني .. اجي معايا ..
خرج الريان ومرتو ..
الريان : واش باغا تفضحينا .. الى عرف الحقيقة ديك الساعة غانوحلو فيه اكتر ..
سامية : مقديتش نصبر .. نفس التمسك اللي كان داير خوك بامها .. مفهمتش انا هاد الجوج اش كيديرو ..
الريان : قلبهم الصافي اسامية .. اللي مفيهش الحقد..
سامية : اش كتقصد .. زعما انا قلبي فيه الحقد
الريان : مقصدت والو .. بلا متشدي فيا حتى انا
البارت 28
- اش كاين الراضي ..واش لقيتي شي حاجة..
- عرفت شكون ضربك .. شي وحدين من ديك الحومة كيعرفوه سميتو نبيل .. شمكار خدامة عليه ختو .. وفالغالب تابع الموميسات داير راسو حارس ليهم حتى كيضورو معاه ..
- وشنو علاقته بعيشة ..
- هاد نبيل هو ولد عمة علي ..
- فاين نلقاه ..
- الصراحة معرفتش بلاصته فين ولكن عرفت فين كاين علي ..
- فين 😠
- مع عائلته ..
- مزيان .. انا بغيت تجيبولي علي ..
- مفهوم ..
داز داك النهار على امل عالية غادي تمشي عند دار نبيل يقلبو على عيشة .. اما مراد فناوي على خزيت مع علي .. خديجة منشفوش عينيها من البكا .. والعمة كتدعي يخرج العاقبة على خير ويحفظ ولادها .. اما عيشة فنعست ويدها على كرشها وهي خايفة على ولدها ولا بنتها من العذاب اللي معندو نهاية .. الغد ليه ناضت عيشة وهي كتفكر وخايفة من داكشي اللي وقع البارح .. مراد مازال كيقلب عليها وقدر يوصل لعلي .. اما علي حب حياتها اللي عاشت كتتمنى تعيش معاه .. صدق جبان وحثالة .. عايش من عرق وحدة قد مو .. والاكثر من ذلك انه عايش معاها فالحرام .. شوية سمعات الدقان فالباب ... الله ياربي شكون اللي كيدق .. واش شي واحد باغي خديجة عاود تاني .. مشيت بحذر هضرت من مور الباب .. وانا صوتي كيرجف ..
- شكون .. ؟؟
➡️➡️➡️➡️فلاش باك .. عند عالية ..
نعسنا فدار ختي .. انا منعستش .. بقيت كنفكر فبنتي وكنستنى غدا بفارغ الصبر بعدما عرفت عنوان لوستها اللي كاينة تما عيشة .. قررت نمشي انا وياها باش تشرح ليها شنو وقع .. وتيق اني امها .. مدازش ليلي بسرعة ..بقيت كنرجف ومترددة بزاف .. حتى طلع النهار وشدينا الطوموبيل ديال اكرم .. مشات معايا ختي ..محدنا كنقربو من بنتي وانا كنزيد نرجف .. مرة مرة كيشوف فيا اكرم اللي كان كيحاول يطمئني بعينيه .. وصلنا للحومة ونزلنا من الطوموبيل .. طلب اكرم من صالحة انها تتقدم وتدق بما انها اكتر وحدة مقربة وكيعرفوها.. دقات حتى سمعت صوت زعزع كياني .. هادي هيا انا متأكدة 😭
حلات الباب وعنقات صالحة كأنها هي اللي ولداتها .. بدات كتبكي على كتفها .. تمنيت لوكنت انا فبلاصتها .. عيشة بنتي انا ماشي بنتها هي .. شداتني الغيرة على بنتي .. ولكن انا مامنحقيش نحاسب ختي حيت انا اللي تخليت على بنتي
عودة الى عيشة ⬅️⬅️⬅️⬅️
- شكون ..
- انا خالتك .. حلي ابنتي عيشة
- خالتي 😭😭
حليت بسرعة حيت متيقتش راسي .. خالتي اللي حسبتها امي حياتي كاملة واللي كنت قطعت الامب فأني غانلقاها مرة اخرى .. شفتها عنقتها وبديت كنبكي فحضنها بحال شي درية صغيرة .. كنبكي كأني كنلوح عليها كل ما داز عليا .. كأني ببكايا كنشكي عليها كاع العذاب اللي شفتو..خالتي عفاك متعاوديش تخليني بوحدي عفاك
البارت 29
عيشة : خالتي .. متعاوديش تتخلاي عليا ..
صالحة : متخافيش ابنتي .. متخافيش .. شوفي انا جبت معايا الضياف
عيشة: مرحبا .. عمتي غاتفرح بزاف مللي تشوفكم .. تفضلو ..
صالحة : الله يرضي عليك ابنتي ..
دخلو كلشي وعالية كترجف ومقاداش تحيد عينيها من عيشة ومكرهاتش تعنقها وتبكي فحضانها .. دخلو وجلسو ..
عيشة : انا غانوجد اتاي ونعيط لعمتي ...
مشات عيشة عيطات لعمتها اللي ناضت بسرعة تشوف ضيافها ..
العمة: الصالحة .. مرحبا بيك .. نهار كبير هادا .. الولاد وخويا لاباس عليهم ..
الصالحة : لاباس اختي .. شوفي شكون جبت معايا .. واش عرفتيهم شكون ..
العمة : ممتيقاش عينيا .. 😳 عالية !!
عالية : لاباس عليك .. عقلتي عليا ..
العمة : شكون يقدر ينساك .. وشكون يقدر ينسى الظلم اللي تعرضتي ليه.. ياااااه يا الدنيا .. بعد كل هاد السينين .. رجعتي .. باش تشوفي نفس السيناريو كيدوز على بنتك..
عالية : 😢 رجعت نقلب على بنتي اللي تخليت عليها .. عيشة ..
العمة : عيشة.. كيفاش غانقدرو نقولولها باللي امها مازال عايشة وماماتتش كيف كتعاقد هي ..
فجأة تسمع صوت شي حاجة طاحت فالارض .. ناضو يشوفو لقاو عيشة واقفة فالباب ومصدومة والصينية طايحة من بين يديها .. تأليف دودي
عند عيشة .. مشيت نصاوب اتاي بعدما خبرت عمتي .. وانا فرحانة اني شفت خالتي .. اللي رباتني .. صاوبت كلشي دغيا .. وديت الصينية واستوقفاتني هضرة عمتي اللي شوكاتني .. طاحت الصينية من بين يدي وانا مصدومة كنسمع هضرة عمري تخيلت نسمعها .. انا امي مازال عايشة ،. واش كنحلم .. مقدرتش نتحرك بعد ديك الهضرة وخصوصا بعدما ناضو كلهم عندي .. اول واحد جات عيني فيه هي خالتي ..
عيشة : خالتي ..
اكرم : عيشة سمعينا .. كاين بزاف دالحوايج خاصك تعرفيهم ..
عالية : بنتي 😢 اجي عندي ..
عيشة : بعدو مني .. بعدو مني كلكم ..
مشيت كنجري دخلت لبيت خديجة .. وسديتو .. وبقيت كنبكي .. شفت فخديجة اللي عينيها كانو طايبين بالبكا .. مشيت عندها عنقتها وبقينا كنبكيو بالجهد بجوج بينا بحال شي بنيتات صغار .. بكانا كان يعبر بدون كلمات على مدى المنا بجوج .. وعلى تعبنا فالدنيا .. اللي تقهرنا وحنا هازين حمل ماشي ديالنا .. وماشي ديال العمر ديالنا .. اللي المفروض نكونو عايشين اجمل سنوات حياتنا .. بالمقابل حنا عايشين كوابيس .. مقادرينش نفيقو منها ..
عالية : بنتي 😭 انا كنت عارفة انها مغاتقبلنيش .. ومغاتسامحنيش ..
اكرم : تهدني امي عفاك .. الصدمة كانت قوية عليها ولكنها غادي تتأقلم معاها وغادي تولفها .. واكيد غاتفهم .. هادي راه حالة عادية ..
العمة : عيشة حساسة بزاف .. ورقيقة .. ولكن فنفس الوقت قوية .. اكيد غادي تفهم وتعذرك ولكن خاصها وقت ..
اكرم : عندك الحق .. وحنا مغانفقدوش الامل ..
العمة : كنصحكم تخليوها دابا .. وانا غادي نحاول نفهمها كلشي ..
عالية : عفاك حاولي تفهميها اني تعدبت ومعشتش مرتاحة بلا بيها ..
العمة : متخافيش انا غانقوم بالواجب ..
عالية : فهميها ان عندها عائلة تحميها من تجبر الريان.. واني غادي نحميها هي وولدها بجوج ..
العمة : هادا هو المهم .. حيت عقدة حياتها وخوفها غير منهم ..
عالية : انا مستعدة نفديها بحياتي ..
العمة : يكون خير..
توادعو ومشاو .. واتجهات العمة للبيت ..
العمة : عيشة بنتي .. فتحي الباب .. مكاين حد كلشي مشاو ..
نضت فتحت الباب لعمتي وعينيا كلهم دموع .. شفت عمتي وعنقتها ..
عيشة : عفاك قولي اني غا كنحلم .. وهادشي ماشي صحيح ..
العمة : اش هادشي كتقوليه الهبيلة .. نتي خاصك تفرحي حيت عندك اسرة ..
عيشة : نفرح !! نفرح حيت عرفت ان ماما عايشة وعاشت حياتها وخلاتني يتيمة .. نفرح حيت اني عشت حياتي كنرضى باي حاجة غير حيت انا يتيمة ومعندي اللي يخاف عليا .. نفرح حيت خالتي ضحات بيا غير حيت معندي حتى واحد فالدنيا .. نفرح حيت خسرات ديك الصورة الزوينة لماما فعينيا .. علاياش نفرح بالضبط ..
العمة : حيت عندك اسرة واللي غاتحميك من مراد وعائلته .. هادا سبب يخليك تنشطي ماشي غير تفرحي ..
عيشة : حتى واحد ميقدر يعتقني من مراد .. حيت اللي بيني وبين مراد مبقاتش علاقة دية بجلادها .. العقدة تطورات بزاف .. حتى واحد ميقد يحلها
البارت 30
اكرم : ماما نتي لاباس ..
عالية : انا متأكدة ... مغاتقدرش تسامحني ..
اكرم : تفاءلي .. حيت غادي تسامحك .. انا متأكد
عالية : شنو اللي يخليني نتفاءل ..
اكرم : حيت شفتها وشفت عينيها .. هي كتشبهك بزاف .. رهيفة .. وقلبها هشيش .. فنظرك شكون اللي اذاها كتر نتي ولا خالتي الصالحة ..
عالية : لا مجال للمقارنة .. انا طبعا .. حيت الصالحة رباتها وتهلات فيها ..
اكرم : نتي غالطة .. خالتي الصالحة اذاتها كتر وعيشة عارفة هادشي ..
عالية : اش كتقصد ..
اكرم : خالتي الصالحة عارفة ان عيشة هي من عائلة الريان .. وضحات بيها مع انه قواعد الدية على حسب مكنعرف .. كانت غاتكون فاطمة الزهرا بنتها .. حيت ولدها هو اللي قتل .. وختو هي اللي خاص تكون دية ماشي عيشة .. ومع ذلك قدماتها دية وعيشة عارفة ان خالتها ضحات بيها باش تنقذ ولادها بجوج .. ومع ذلك سكتات وقبلات والاكثر من ذلك مللي شافتخا دابا عنقاتها وبكات فحضنها .. هادشي كيعني حاجة وحدة.. ان عيشة قلبها صافي وابيض .. ومتسامحة ..
عالية : واش كتظن هادشي ..
اكرم : اكيد .. دابا مكنستبعدش ان عيشة غاتحمل المسؤلية لخالتي الصالحة حيت هي اللي مقالتش ليها الحقيقة .. من اللول .. عموما عيشة مثالية فالمشاعر ديالها .. متأكد غادي تسامحك
عالية : كنتمى ..
فبلاصة اخرى ناض مراد ويدو معلقة لعنقه .. كيشوف من السرجم وعاقد حجبانه ..
- عيشة .. انا غانلقاك ..
صوناليه التلفون :
- وي راضي ..
- سي مراد .. علي عندنا ..
- مزيان .. انا جاي ..
مشا مراد بسرعة بعدما صاك بيه الشيفور للوجهة المعلومة واللي هي كراج من الجراجات ديالهم .. دخل لقا رجاله اللي لقاو عليه التحية ..
راضي: سي مراد .. هاهو كما طلبتيه منا.، ً
علي كان مربوط ومكبل .. قرب منه مراد ونزل عنده .. وجلس القرفصاء ..
- سي علي لاباس عليك 😠
- ااا انا .. ماشي انا اللي ضربتك كنقسم ليك ..
- (هز راسه )عارف .. وعارف ان هاداك اللي ضربتو ولد عمتك .. ولكن بغيت نعرف ..شنو كانت كدير عندك عيشة ..
- انا غانقولك كلشي .. عع عيشة كانت جاية هربانة عندي .. وو عرفات اني عايش مع وحدة اخرى .. وو مبقات حاملاني .. وحتى امها مازال عايشة..
- بلاتي بلاتي .. شكون اللي امها مازال عايشة
- عيشة 😰 عندها عائلة ..
ناض وقف وبقا كيفكر .. وعيط بالجهد .. راااضي ..
- نعام السي مراد ..
- تجيبلي ولد عمته .. من تحت الارض .. خاصني نوصل لعيشة قبل من عائلتها ..
- مفهوم ..
عند عيشة كان الامر مختلف بحيث مبقاتش قادرة تفكر .. كيفاش امها بانت .. فين كانت كل هاد المدة .. وعلاش مرباتنيش ،. علاش تخلات عليا .،
خديجة : عيشة .،
عيشة : نعام ..
خديجة : انا عارفاك كتفكري فماماك .. ولكن انا فبلاصتك نمشي نتلاح فأحضانها بلا تفكير حيت هي اللي غاتنقذني ..
عيشة : كيفاش ننسى ..
خديجة : والدينا بحال حيط كيحفظنا من كل سوء .. بحال سقف ديال الدار هو الاساس .. الى طاح مشا كلشي ..
عيشة : انا حيرانة بزاف ..
خديجة : متحتاجش تفكير اعيشة ..
البارت 31
بقيت كنفكر وفكرة وحدة كتصور فراسي .. علاش تخلات عليا علاش .. وعلاش رجعات دابا .. فنفس الوقت حنين كيشدني ليها .. ياك انا اللي عشت حياتي كلها وانا كنتمنى حضن امي نبكي عليه ونشكي عليها .. علاش دابا مبغيتش .. الحلم .. هادا هو تفسيره .. المرا اللي كانت كتمدلي يدها .. فالحلم واش هي ماما .. ولا كاينة شي حاجة مازال مخبية .. غانحماق.. انا خاصني نتهدن ونتاخذ القرار فالوقت المناسب .. من الافضل ننعس .. ونتقي الله فهادشي اللي فكرشي .. الي بدات تبان .. يمكن عندي ثلاثة شهور.. معرفتش بالضبط حيت كنتلف فالحساب ..
عند عالية
كان جالسين مع بعض كيتعشاو ،.. مللي سالاو ناضو وجلسو ،.
اكرم : ماما .. متعاوديليش قصتك مع الريان ..
عالية : واخا كنتهرب من اني نعاودها ولكن .. غانزير راسي ونعاودليك اللي قدرت ..
اكرم : على راحتك ..
كنت صغيرة .. مكاملاش 15 عام .. حالتنا كانت تشفي العدو .. فقراء بزاف .. ختي الصالحة كانت ديك الساعة تزوجات .. داني بابا للريان الاب.. كيطلب ويزاوك يخدمني عندو .. وافق .. وياريتو موافق .. كل انواع الاهانات كانو كينزلو عليا .. الضرب والذل .. وكنت صابرة .. كان عند الريان ابن سمتو ربيع .. كان انتهازي .. وكيبغي اي حاجة تكون ديالو .. للاسف .. حتى انا كنت من بين الحوايج اللي بغاها .. انا كنت صغيرة
حتى واحد النهار استغل غياب الجميع من الدار وتهجم عليا بحال الوحش الكاسر ..سكتت ومقلتها لحاى واحد .. ولكن هو مخيدنيش من بالو واستمر فاستفزازاته ليا .. معرفتش علاش كان عزيز عليه يشوفني كنبكي .. كان بحال الظل ديالي .. حتى واحد النهار طحت .. وعرفو اني حاملة .. مكان بيدي الا اني نبكي ونشوف فربيع .. والمفاجأة انه اعترف بداكشي اللي دار وطلب من باباه انه يبقيني عندهم واني نولد بنتي ويربيوها .. ولكن باه رفض ..ودار قصة ليا .. قنع القبيلة اني حملت سفاح من شي حد ماشي معروف ..بعد داكشي انتشر الخبر فالقبيلة بحال النار فالهشيم .. طبعا شكون للي كان غايتيق بداكشي اللي غانقول انا .. بابا تبرء مني .. وعائلتي .. وكانو ناويبن يرجموني حتى الموت .. واحد النار بقيت كنستنى قدري .. حتى شفتو جا .. وطلب مني نركب معاه .. مكان عندي حل الا اني نهرب وننجي من الموت .. قالي باللي غايتزوج بيا وغادي يربي بنتي ..تزوجنا فالسر .. بلا خبار اي مخلوق .. الا ختي الصالحة اللي كانت غادية جاية عندي بلا خبار عائلتي ،. بقيت معاه تقريبا ست شهور وحتى واحد مكان عارف اني واحد النهار جاو شي رجال بقا كيتغاوت معاهم ..
خفت بزاف مشا معاهم ومارجعش .. جات عندي ختي قالتلي انه جاها خبر من ربيع اني خاصني نهرب حيت باه غايقتلني وغايقتل بنتي .. هربت .. وولدت ..فنفس التهار سمعت باللي ربيع مات ومعرفتش كيفاش .. صدمة كبيرة .. كنت عارفة انهم غايقلبو عليا وغايتبعوني ليه .. بقات ختي كتقولي سيري بحالك .. هربي وانا غاناخد البنت .. هربت وخليت بنتي .. وياريتني ماخليتها ..
اكرم : ماما نتي تعدبتي بزاف ..
عالية : بزاف .. الظلم خايب بزاف .. هربت وقلبي مع بنتي خليتها فغابة .. ياريتني ديتها معايا ..
اكرم : وشنو وقع من بعد ..
عالية : دوزت وقت صعيب فالزنقة... صعيب بزاف .. الا اني استطعت نخدم فدار عند عائلة محترمة .. واللي باباك كان صديق ليهم .. تما عرفني .. وكان احن انسان عرفتو فحياتي .. زاد حن علي اكتر مللي ربيتك وحسبتك ولدي .. كنت كنشوف فيك عيشة بنتي اللي اتحرمت منها ..
اكرم : (باس يديها ) الله يخليك ليا اماما ..
عالية : ويخليكم بجوج ليا 😢
عند عيشة ..
نعست معرفتش شحال ولكن فقت على شي حد كيهرس علينا الباب .. اش هادشي ثاني مجا فبالي غير مراد .. اكيد لقاني ..
البارت 32
الدقان كان قوي بزاف .. نضنا كلما الا خديجة مكانتش قادة تتحرك لان ضلوعها كلهم كانو يضروها.. حل نبيل الباب حتى لقا جوج رجال قد السخط .. دخل بينهم واحد الراجل لابس كوستوم وداير يديه فالجيب ..
- سي نبيل .. راك معتكف هنا حدا ختك ..
- انا ..
- فين هي ..
- مريضة بزف .. مقاداش تتحرك
- انا مكايهمنيش .. تجي تسربي .. ولا فاهمة غير فالتحرميات .. وتشد الكليانات فالحس ..
- والله ايلا مريضة .. انا نخدم بلاصتها ..
- ههه ميمكنش .. معندكش الطاية دالبنات .. فيناهي ..
دخل البيت بلا حشمة .. مشا عندها وحرك راسو لرجالو .. جاو بداو باغين يهزوها وهي تغوت من الالم .. مقدرتش نتحمل وانا نغوت عليه
- خليها واش مفقلبك رحمة .. خليها ..
- ايوا الزويونة واش بقات فيك .. الى بقات فيك اجي شدي بلاصتها ..
- انا غانشد بلاصتها .. حتى تولي لاباس ..
- هي الى جيتي من دابا ..
مشا خرج بلا ميزيد حتى هضرة .. الله ياربي اش هادشي درت .. كاباريه .. واش انا نقدر نخدم تما
شاف فيا نبيل وقال .. زيدي .. دغيا خاصنا نمشيو .. راه مغايعجبو حال الى تعطلنا ..
مشيت بدلت دغيا وانا كندعي الله انه متوقعلي حتى حاجة خايبة .. شديت فنبيل وانا كنرجف ..
- هانتي الخدمة مصعيباش غا اللي عطاك شي حاجة قالك ديها لشي طبلة ديهاله.. صافي ولكن واياك تهضري .. حتى لو تبسل عليك شي واحد سكتي وجي بحالك ..
- الله يركا ربي يتبسلو كاع
- صبري على قبل خديجة واخا ..
- واخا ..
مشيت معاه دخلت لداك البلاصة كنت غانسخف من داكشي اللي شفتي والريخة يخ الخنز .. مشيت للبلاصة اللي قالي نبيل بديت كنشد داكشي وانا محاملاش راسي وانا حانية الراس .. وكنترعد .. ديك للطبلة الاولى حطيت .. الطبلة الثانية بدا واحد فيا سكران كيحيح ويجبدني من يدي وكيقولي جلسي .. يخ عيفني .. جا دغيا نبيل عاق الوضع .. ناري كنت غانسخف .. دوزت داك الليلة بزاز .. اوف على بلاصة .. مشينا للدار انا ونبيل وانا محاملاش راسي .. دخلت توضيت وصليت لله يحفضني ،، مشيت ننعس .. وانا نحس بحريق فكرشي .. اااه يا ولدي .. عارفك مكنحاولش عليك .. سمحلي اولدي عفاك .. نعست ودعيت ربي يحفظلي ولدي ..
الغد ليه .. خرج نبيل بقا كيتمشى فالزنقة حتى دازت طوموبيل .. ركباته وداتو معاه ،..
نبيل : ششش شكون نتوما
راضي : دابا تعرف كلشي..
دخل مراد وجا عندو ..
مراد : لاباس عليك اسي نبيل ..
نبيل : 😱 نتا ..
مراد : اه انا .. شنو .. واش كنتي كتسنى مني نكون ميت ..
نبيل : لا.. انا مقصدتش عيشة بنت عمتي .. وو
مراد : عيشة مرتي وام ولدي .. ونتا مغاتخافش عليها كتر مني ..
نبيل : مرتك 😨
مراد : بغيتك تسلمهاليا .. والمقابل .. نعفو عليك
نبيل : كيغاندير ..
مراد: شوف كيفاش غاتخرجها ..
نبيل : اا انا عندي فكرة .. هي كتخدم فكباريه ..
مراد : كباريه 😠
نبيل : غا مؤقتا .. فبلاصة ختي .. تقدر تاخدها من تما ..
مراد : مزيان .. ولكن تغدر بيا نذبحك ..
نبيل : واخا 😨
البارت 33
- الخدمة فهاد المجال خايبة بزاف علاش احبيبة مقلبتيش فبلاصة اخرى .. الخدمة دالحلال عطاها الله ..
- كون تشوفي العذاب اللي شفتو .. فينما مشيت كيطمعو فيا.. الحلال صعيب بزاف فهاد الزمان ..
- مهما كان .. خاصك تقلبي على الحلال واخا بجوج ريال .. حسن من هاد الرعب اللي نتي عايشة فيه اختي خديجة ..
- دابا راني واحلة .. واخا نبغي نبعد منقدرش ..
- الله يخرجك من هادشي اختي ..
- امين .. صبري هاد الايام غا على منوقف على رجليا ..
بقينا كنهضرو فجأة دخل نبيل ..
نبيل : ختي عيشة.. خاصك تخدمي ليوما عاود حيت سمعتهم كيهضرو باللي هاداك الزبل غادي يزيد يضرب خديجةالى مجيتيش تعمري بلاصتها
عيشة : الله يا ربي لا غانمشي ..
نبيل : 😈
فبيت الريان .. كان جالس الريان وسامية كايشربو القهوة .. والصمت سائد بينهم ..
سامية : الماضي راجع .. انا هادشي مخوفني بزاف ..
الريان: علاش خايفة .. ياك كلشي داز ..
سامية: كتهضر بواحد البساطة .. كأنك معارفش الكارثة اللي حنا فيها .. واش عارف ولدك الى باقي شاد فاللي سميتها عيشةً.. وعرفو الحقيقة اش غايوقع .. غايجبدو الماضي .. وراك عارف شنو وقع ..
الريان : بردي ماغايعرفوش .. السر مدفون حتى واحد معارفو من غيرنا ..
سامية : المصيبة هي ان ولدي متمسك ببنتها .. بنفس الطريقة د ربيع .. ربيع اللي مللي تزادت بنتي عالية .. اختار يسميها هو عالية .. مكنتش عارفة فاللول علاش .. ولكن .. مللي عرفت من بعد كان الحال فات .. شاءت الاقدار كلما عيطت لبنتي نتفكرها .. الله ياخد فيك الحق اربيع ..
الريان : كتدعي على واحد ميت ..
سامية : افففف ...
الريان : صافي بلا متنفخي عليا ..
سامية : ارتاحيت من عالية طلعتلي بنتها ..
عند عيشة ..
بقيت كنهضر انا وخديجة حتى دخلات عمتي ..
العمة : واش قاطعتكم ..
عيشة : لا اعمتي اجي ..
العمة : بنتي عيشة .. بغيت نقولك شي حاجة ..
عيشة؛ كنسمعك ..
العمة : حبيبة نتي قريب تولي ام .. وغادي تحسي بالامومة .. ومغاتقدريش تتفارقي على بنتك ولا ولدك .. تخايلي عذاب ماماك وهي بعيدة عليك كل هاد المدة ..
عيشة : هي اللي بعدات عليا بخاطرها .. انا مغانتخلاش على ولدي بحالها ..
العمة : لا .. ماشي بخاطرها ..
عيشة : 😔 وشنو مبررها ..
العمة : سمعيه منها هي ..انا متأكدة غادي تقتانعي بهضرتها .. ولكن عطيها فرصة تهضر ..
عيشة : نتي اش شايفة ..
العمة : كاين حوايج نتي معارفاهمش .. ماضي طويل .. خاصك تشوفي لماماك فعينيها وتسمعيه منها .. واعديني ..
عيشة :واخا 😔 غانحاول ..
داز نهاري عادي حتى وصل الليل وكان عليا نمشي نخدم .. فبلاصة خديجة .. املي فنبيل مرة اخرى يحميني من السكايرية .. لبيست حوايجي والحجاب ديالي ودعيت ربي يحفظني .. خرجت لقيت نبيل كيستناني .. ركبنا فالطاكسي..ومشينا
البارت 34
مشيت للكاباريه بقيت كنسربي وكل واحد منين كيهضر .. شوية قاللي نبيل ندي الما لواحد السيد .. شفت فيه كان عاطيني بالظهر ..ومنزل راسو للطابلة .. ديتلو الما وحطيتولو شفت فيه شوية رفع راسو .. 😳 قلبي وقف فجأة مللي شفته كان داير ضحكة جانبية .. ضحكة شريرة كتعبر على الانتصار .. ونظرة حادة .. كتخبي الكثير .. شريط عدابي معاه مر فجأة قدام عيني .. نزلت راسي والرعب متمكن مني .. بعدت منه وحاولت نمشي بعيد منه .. بديت كنقلب بعيني على نبيل ..بحال الى الارض كلاته .. خرجت بسرعة حتى لقيت يد كتجبدني .. وحط يدو الاخرى على فمي .. قلبي كان غايخرج من بلاصته ..
مراد : ايلا كان صحابليك انك غاتقدري تهربي مني مهما طال الزمان غاتكوني غالطة بزاف .. وغاتكوني كتحلمي .. الا فكرتي انك ممكن تهربي مني مرة اخرى ..
عيشة : مممم .. (ساد على فمها)
خداني وركبني فالطوموبيل .. اللي كان سايكها واحد اخور .. ركب حدايا ومشينا ..
عيشة : مم مراد انا ..
مراد : شششش متهضريش ،..(حط صبعو على وجهي) ... احسن ليك .. (نزل يده لكرشي) ... وعلى قبل ولدنا ..
مقدرتش نزيد نهضر والعرق فوجهي شتا .. خفت بزاف .. خصوصا مللي ذكرلي ولدي ... شافني سكت دار ديك الضحكة من جديد .. طلع يدو وعنقني بيها .. بحال شي واحد منتصر .. راه بالصح انتصر حيت قدر يرجعني عنده .. كنكره شخصيتي اللي ضعيفة .. اللي مكنقدرش بيها نهضر .. ولا ندافع على راسي .. سكتت وانا خايفة ..
رجع نبيل للدار ولقا امه في استقباله ..
العمة: ولدي جيتي .. فين عيشة ..
نبيل : منعرف ..
العمة : اويلي 😱فين هي البنت ..
نبيل : ال مشات مع راجلها .. كتسلم عليكم ..
خديجة : مستحيل تكون عيشة مشات معاه بخاطرها .. اكيد خطفها ..
نبيل : واش انا نحضي عباد الله .. بعدو مني
خديجة : الله ياخد فيك الحق .. ماما خاصنا نعلمو خالتي عالية .. هي غاتصرف ..
العمة : يه ابنتي خاص نعلموها ..
اتصلو بعالية
عالية : اشنو .. كيفاش مشات معاه .. انا غانمشي نرجع بنتي ..
اكرم : ماما اش واقع ..
عالية : بنتي خداوها الريان من تاني ..
اكرم : انا غانجي معاك ..
عيشة ومراد وصلو للدار .. خرجها من الطوموبيل .. وجابها للدار معاه .. كان كلشي ناعس تقريبا حيت عاد كتطلع الشمس .. دخلها للبيت ديالهم .. شاف فيها وهو مازال كيضحك .. اما هي فبحال الى كتشوف البيت لاول مرة ..
مراد : توحشتيه ..
عيشة : ساكتة وشادة على فمها بيديها ..
مراد : شوفي فيا مزيان .. غادي تبقاي هنا حياتك كاملة .. وغادي تولدي ولدي هنا ..
عيشة : حرام عليك شنو درتلك .. 😭
مراد : 😠 معرفتش شنو درتيلي .. سولي راسك .. معرفتش علاش مكتفارقيش هاد العقل .. شكون نتي باش تشغلي دماغي .. شكون نتي ..
عيشة : 😭 انا بنيتة ..كل ما بغاتو من الدنيا انها تعيش بعيدة على المشاكيل .. تيق بيا مباغا والو ..باغا غير نرتاح ( طاحت على ركابيها ) ..
مراد : غادي ترتاحي .. ولكن هنا .. رضاي بالامر الواقع وعرفي انك ديالي .. ديالي بوحدي .. نوضي من الارض وباراكة من البكا .. مبغيتش ولدي يتضرر من بكاك .. بغيتو يتزاد راجل ..
عيشة : 😭
مراد: نوضي 😡
عيشة : واخا متغوتش 😭
مراد : سكتي متبكيش 😔..
نزل عندها وحط يدو على راسها وهو متردد .. شوية وهو ينوض ..
مراد: نوضي .. نعسي ورتاحي .. وانا مغانعاودش نغوت عليه .. صافي متبكيش ..
البارت 35
الشاب : تفكرتي شي حاجة ..
الراجل : ابدا .. كنحس راسي معدوم فهاد الدنيا .. معندي ماضي ولا حاضر ..حتى اسمي مكنعرفوش .. شحال من سنة دابا وانا راني هنا .. وانا ماعارف حتى حاجة ..
الشاب : غاتفكر .. متخافش .. اكيد غايجي النهار اللي غاتفكر فيه كلشي ..
وصلت عالية لدار الريان اخيرا .. نزلات من الطوموبيل هاد المرة بسرعة .. بدون تردد دخلات وبدات كتغوت ..
عالية : عيشة .. عيشة .. بنتي
عالية الابنة : ايه ايه ايه .. واش راكي فكوري ولا .. راكي فدار الالة .. شكون نتي واشنو باغا ..
عالية : بنتي عالية فين اهيا ..
سامية : اش جاية تديري هنا تاني اعالية .. ياك قلنالك داك النهار بنتك مراهاش عندنا ..
عالية : نتي كدابة .. ولدك خطف ليا بنتي .. انا غادي ندخله الحبس ..
سامية : سيري جيبي البوليس .. واش جاية تلوحي علينا الباطل فدارنا .. سيري بحالك ..
اكرم : مراد خطف عيشة .. الاختطاف راها جريمة .. غاتزادليه على جريمة الاغتصاب وحنا مغاديش نسمحو فحق عيشة ..
سامية : خرجو من داري .، قلتلكم مكايناش هنا..
اكرم : ها حنا غانشوفو .. مللي غانجيبو البوليس
سامية : سير جيب شكون ما بغيتي..
عالية : عيشة .. عيشة .. بنتي فينك ..
فبيت مراد كانت عيشة جالسة على الناموسية وحاطة يدها على خدها .. اما مراد كان ناعس .. شوية وهي تسمع صوت امها .. ناضت
عيشة : ماما .. هادي ماما
فاق مراد وناض بسرعة شدها .،
مراد : ششش .. سكتي واياك تسمعيهم صوتك .. والا نتي عارفة اش غايوقع ..
عيشة : عفاك 😢
مراد : اوووف واش مكتفهميش متعصبينيش 😠
عيشة : ياك نتا واعدتيني مغاتوليش تغوت عليا 😭.. ها نتا كتغوت ..
مراد : اففف .. صافي هانا كنهضر بشوية .. فهميني .. الى مشيتي معاهم غاناخد ولدنا منك وغاتبقاي بعيدة عليه .. واش بغيتي هادشي يوقع
عيشة : 😢 لا ..
مراد : مزيان .. اذا سكتي .. عرفتي شنو.. حنا غانمشيو من هنا كاع ..
بالعودة الى عالية ..
عالية : بنتي اسامية .. هاد المرة غانطيح على قبلها روح .. سمعتي .. الا بنتي ..
سامية: برا .. عطينا بالتيساع ..
عالية : نتوما اللي عطيوني بالتيساع واش مكفاكمش داكشي اللي درتو فيا ..
اكرم : زيدي اماما .. حنا غاناخدو حقنا ..
خرجو اكرم وعالية من الدار.. مشاو يركبو فالطوموبيل حتا سمعو صوت ..
لينا :عفاكم ستناو ..
اكرم : نعام الالة ..
لينا : انا لينا الريان ..
عالية: اشنو بغيتي ..
لينا : بغيت نقوليكم باللي انا اللي هربت عيشة النهار اللول ..
اكرم : فيناهيا دابا ..
لينا : معرفتش .. ولكن كونو اكيدين اني غانعلمكم الى عرفت ..
عالية : غريب .. اول مرة نشوف وحدة من سلالة الريان انسانة ..
لينا : لالة .. كل واحد كيتحمل مسؤوليته ..
اكرم : ممكن ناخد رقمك ..
لينا : طبعا ..
تبادلو الارقام ..
لينا : انشاء الله تلقاو عيشة ..
اكرم : كنشكرك بزاف ..
البارت 36
بقاو سامية وبنتها جالسين .. حتى بان ليهم مراد نازل هو وعيشة .. ومزروبين
سامية : 😳 واش نتا راك هنا .. اش كادير معاك هاد خيتي ..
مراد : ماشي وقته اماما .. خاصني نمشي ..
سامية : ياك قلتلك فرق عليك هاد البنت اللي ماجايبة موراها غا المشاكيل .. خليها ترجع لعائلتها ..
مراد : نسيتي انس دغيا .. هادي راها دية .. ومعندهمش حق فيها ..
سامية : راهم غايعلمو البوليس وغاتشد فالحبس.. خليها تمشي .، وحنا غاناخدو حقنا من داك الولد
مراد : عيشة هي حقي .. دابا ولات ديالي واش مكتفهميش .. حاملة مني ..
سامية : مراد ولدي عفاك ..
مراد : صافي سالينا الهضرة .. زيدي اعيشة
جر عيشة معاه وخرج وهو هاز صاك فيد اخرى ..مشاو دغيا للطوموبيل وعيشة حاطة يديها على كرشها ..
عيشة : ااي ..
مراد : مالك 😳
عيشة : والو غا حسيت بحريق فكرشي .. معرفتش مالي ..
مراد : بشوية عليك .. ركبي .. بشوية ..
ركبت عيشة وبقات كتشوف فيه .. وعلى الحرص ديالو من جهة اخرى فكرات فكلامه مع امه وكيفاش كان كيهضر عليها .. عمره مغادي يفكر فيها كامرأة غاتبقى ديما فعينه دية.. ركبو وتحركو .. بقا هاكا كيشوف فيا ومرة مرة يسولها واش لاباس ... وصلو لواحد الدار .. كانت تقريبا فمنطقة جبيلية .. ولكن مجهزة .. نزلت من الطوموبيل ونفس الحرص فعينيه ..دخلو للدار قرب مراد من عيشة وشدها من راسها
مراد : هادي غاتكون دارنا .. وحتى واحد مغايصدعنا فيها ..
عيشة : واش غانعيشو هنا بوحدنا ..
مراد : اه .. واش معجباتكش الدار ..
عيشة : زوينة 😔
مراد : (شد فيديها) عيشة .. شوفي فيا .. انا بغيت نبعدو على كلشي .. ونبداو صفحة جديدة مع بعضياتنا ..
عيشة : ولكن😢 انا بالنسبة ليك غير دية ..
مراد : نتي ديالي اعيشة .. مستحيل نخليك تكوني بعيدة مرة اخرى .. ومسألة الدية بالنسبة ليا هي ذريعة كنشدك بيها معايا .. حيت نتي كتهربي مني ..
عيشة : انا باغا نكون معاك .. ولكن حرة ..
مراد : 😅 واش بالصح حتى نتي باغاني ..
تقلبات عيشة وعطاتو بالظهر ...
عيشة : اه ايلا مغاتعاودش تغوت عليا وتضربني
مراد : كنواعدك .. 😍
بقاو فالدار من جهة اخرى كانت سامية كتهضر مع راجلها
الريان : اش واقع مالك مجرياني
سامية : مصيبة .. مصيبة
الريان : يالطيف اشمن مصيبة 😳
سامية : مراد خطف عيشة وجابها هنا .. عالية جات هي وداك الطبيب هددوني باللي غايجيبو البوليس وغايحبسو مراد .. انا خايفة بزاف .. خاص نقنعو مراد يبعد من عيشة حيت الى تفتح الماضي غادي نوحله فيه ..وحتى واحد مغايفكنا..
الريان : وفين هو دابا مراد ..
سامية : معرفتش داها معاه ومشا ..
الريان : انا غانعيط للرجال يمشيو يقلبو عليه..
من جهة اخرى مشا اكرم وعالية للبوليس ..
الشاف: مرحبا بالسي اكرم نهار كبير هادا ..
اكرم : اهلا سعد .. لاباس عليك
الشاف : مزيان بشوفتكم ..
اكرم : جيتك فمهمة شخصية ليوما .. هادي ماما
الشاف : متشرفين الالة
عالية : ربي يخليك ..
اكرم : غاندخل فالموضوع نيشان .. بنتها خداوها شي ناس دية وعذبوها .. فشخص ولدهم .. ومللي هربات منهم .. للاسف لقاها مجددا وخطفها بالقوة وداها معاه .،
الشاف : هادي جريمة .. عطيوني معلومات الخاطف حنا غانقومو باللازم
اكرم : كنشكرك بزاف ..
الشاف: غادي نحتاجو معلومات اكتر ..
البارت 37
من داخل الدار .. وباتجاه بيت النعاس .. كانت عيشة ناعسة على الناموسية .. ومراد حداها كيدوز على شعرها وعلى وجهها وكيتأمل تفاصيل وجهها البريىء..
- اااه يا عيشة .. اشنو درتي فيا .. كيفاش قدرتي تمتلكيني .. براءتك .. خوفك وسكاتك .. حتى دموعك .. كيقتلوني .. نزل على جبينها وطبع قبلة.. وناض ..
من جهة اخرى كانت العمة جالسة وكتدوز السبحة كالعادة ..بيد وحدة .. وخديجة جالسة عند رجليها وحاطة راسها عندها اللي حاطة عليه اليد الاخرى .. حتى سمعو الدقان فالباب .. ناضت خديجة فتحات لقات اكرم .
خديجة : سلام .. لاباس عليك
اكرم: اهلا.، مال وجهك .. شكون ضربك ..
خديجة : نسا ... شي حاجة بسيطة ... تفضل
اكرم : معايا ضيف .. الشاف سعد .. بغا يدير استجواب لنبيل .. يعرف كيفاش حتى مشات عيشة مع مراد ..
خديجة : تفضل وانا غانعيطله ..
اكرم : شكرا بزاف ..
دخل اكرم هو وسعد ومشات خديجة تعيط لنبيل . اللي ناض مبوق من النعاس ..
نبيل : اهلا .. اش حب الخاطر
سعد : نتا .. اجي جلس
نبيل : ششش شاف .. واخا ..
اكرم : كتعرفو بعضياتكم ..
سعد : طبعا .. دوي انبيل .. كيفاش خدا مراد عيشة ..
نبيل : انا كنت معاها فالكاباريه وهي كتسربي.. وو ..
سعد : علاه هي خدامة فكاباريه؟؟
نبيل : كانت شادة بلاصة لختي على ما تبرا ..
سعد : كمل ..
نبيل : تضغلت مع شي وحدين ضرت لقيتها مكايناش ..
سعد : هادشي اللي كتقول مكيدخلش العقل..
نبيل : ااا والله الشاف ايلا
سعد : متحلفش ..
اكرم : سعد باش غايفيد هادا راه حنا عارفين باللي مراد هو اللي خداها ..
سعد : يمكن يقدر يوصلنا لخيط نعرفو بيه مكانه
اكرم : خاصنا نلقاوهم دغيا ..
في مستشفى للامراض النفسية كان واحد الراجل فاواخر الاربعينات من عمره ..
- شكون انا .. وعلاش بعد كل هاد السنين مقدرتش نتفكر والو .. غير اشرطة كتدوز حدا عيني .. ناس وطوموبيل كتحرق .. شكون انا شكوون ..
الممرض : دكتور جاتو الحالة عاود تاني ..
الدكتور : جيب الحقنة .،
عند عيشة ..
حليت عيني ملقيتش مراد حدايا .. فين مشا .. نضت مشيت غسلت وجهي .. وخرجت عندو لقيتو فالكوزينة ،. حالته جابتلي الضحكة .. الكوزينة كلها مرونة وريحة الشياط وهو واحل ..
عيشة: اش كدير .. 😂
مراد : 😒 متضحكيش .. سري انا اللي باغي نوجدليك ما تاكلي ..
عيشة: لهلا يخطيك .. خليني نعاونك ..
مراد : اجي الالة نشوفو طيابك ..
جيت قربت منه وبديت نجمع .. ونطيب حتى كملت ... هو بقا مصدوم
مراد : واش صافي ساليتي 😰
عيشة : وشنو صحابلك 😌
مراد : رهيفة وحساسة وزوينة وحتى الحداكة .. عاد عرفت علاش كنبغيك ..
عيشة : 😳 شنو قلتي ،.
مراد : والو 😜
عيشة : 😔
مراد : ويتك ويتك متبكيش احياتي .. يالله هانا كنبغيك ..
عيشة : كتبغيني انا .. 😥
مراد : لا الجيران 😂
عيشة : ممتيقاكش
جيت نمشي وهو يشدني .. احم لا ينصح تتبعه من طرف لي صيليباطيغ ..
البارت 38
نبيل : والله حتى هادشي اللي كاين ..
اكرم : صافي نوض خلينا نمشيو بلا منضيعو وقتنا معاه ..
ناضو سعد واكرم جاو خاجين ..
خديجة : سي اكرم
اكرم : نعام ..
خديجة : بلا متيقو خويا .. كنعرفو مزيان .. ماشي بعيد يكون خدا الفلوس من مراد باش يعطيه عيشة ..
سعد : كتعرفي شي حاجة ..
خديجة : كنعرف خويا .. معندوش مبادئ.. عيشة طيبة بزاف وبدلاتني بزاف حيات فيا المشاعر الزوينة اللي كانت ميتة فيا .. خاصكم تلقاوها ..
سعد: الى عرفتي اي حاجة .. عفاك علمينا بسرعة
خديجة : اكيد ..
جاو خارجين .. خرج سعد ووقف اكرم ..
اكرم : خديجة .. الى حتاجيتي مساعدة .. انا غادي نكون فالخدمة .. وغانتصنط ليك .. انا طبيب .. وغانقدر نعاونك..
خرج وخلاها مذهولة ..
خديجة : كيفاش حتى عرف اني محتاجة مساعدة .. غريب كأنه قرا افكاري ..
مشا اكرم لعند عالية اللي لقاها كتسناه على نار ..
عالية : لقيتيها ..
اكرم : مازال .. حنا كنقلبو ..
عالية : الله يا ربي .. بنتي نهار لقيتها تضيع مني .. الله يا ربي ..
اكرم: تهدني اماما .. كنواعدك غانلقاوها ..
عند مراد وعيشة ..
كانو جالسين فالارجوحة اللي راها فوسط الطبيعة الخلابة .. حاطين راسهم عند البعض .. والصمت يسودهم ..
مراد : عيشة .. شحال من شهر دابا ولدنا ..
عيشة : باش عرفتيه ولد .. ممكن تكون بنت ..
مراد : خايف تكون بنت ..
عيشة : علاش ..
مراد : خايف تتظلم فهاد المجتمع الظالم
عيشة : نتا غاتخليها تتظلم ..
مراد : غانقتل اي واحد يقرب منها ..
عيشة : علاش كتهضرو غير على القتل .. علاش حياتكم كلها ظلم ..
مراد : حيت هاكا بغاونا نكونو .. من نهار تزاديت .. وانا كنشوف جدي كيأمر بالقتل والجلد والضرب .. وكان ديما مجلسني حداه وكيأمرني نكون راجل .. مللي مات جدي .. هوبت لفرنسا بذريعة القرايا ولكن انا كنت باغي غير ننسى ونبعد .. ولكن مللي رجعت لقيت كلشي كما خليتو .. عرفتي اعيشة .. بالرغم من ان حياتي من الصغر كانت كلها مع ناس مكيعرفو الا القتل والثأر والعذاب .. الا ان فوسط هاد الناس كلهم كان شخص واحد قلبي حنين .، وكنت كنبغي نجلس معاه بزاف .. حيت هو الوحيد اللي كان كيشوف فيا بقلب حي .. وكان كيعاملني كإنسان عندو مشاعر ..
عيشة : شكون هادا ..
مراد : عمي ربيع .. هو وبابا شخصين مختلفين تماما ..
عيشة : وفين هو دابا ..
مراد : مات 😪
عيشة : مات !!
مراد : ولا نقول تقتل احسن ..
عيشة : 😱
مراد : طبعا غاتسوليني شكون قتلو ..
عيشة: نتا عارف شكون قتلو ..
مراد : اه .. 😪 ولكن مغنقولكش .. حيت خايف ..
عيشة : مناش خايف ..
مراد : خايف من بزاف دالحوايج .. هاد السر الى تكشف غادي يمشيو فيا ريوس غايأثرو على حياتي ..
عيشة : حتى لهاد الدرجة الامر خطير ..
مراد : بزاف .. خلينا من هاد الموضوع .. قوليلي واش كتحسي بالبيبي كيتحرك فكرشك ..
عيشة : اه شوف .. ارى يدك .. حطها هنا
مراد : 😳 اهو تحرك والله ايلا تحرك 😅.. خاصنا نمشيو للطبيب نشوفو جنسه .. اكيد دابا عندك خمس شهور .. حيت حسبت من نهار ..
عيشة : ششووت منعرف .. ابغيت نسولك ..
مراد : سولي ..
عيشة : داك المرة مللي تضربتي .. شكون ضربك
مراد : ولد عائلتك 😛
عيشة : متضحكش عليا .. كنهضر على المرة الاولى.. مللي كنت معاك ..
مراد: (تنهد) هاداك مظهر من مظاهر الثأر والانتقام .. هاديك عائلة فالدوار .. عندها شي مشكل مع بابا وجدي .. والضحية .. انا ..
عيشة : عارفة .. كان كيعاودلي عمي العربي ..
مراد : المهم نساي علينا هادشي ..
عيشة: قولي عاود ..
مراد: اسئلتك كترو اعيشة ..
عيشة : صافي 😔
مراد : غادي تهضري ولا نوض نقطعك طروفة ونلوحك للذياب فالغابة .. 😒
عيشة : 😳
مراد : 😂😂 كنضحك معاك واش انا نقدر .. يالله دوي متخافيش غير ضاحك ..
عيشة : انا كنخاف منك .. 😔 حيت كتقلب دغيا
مراد : ممم .. عاد كنت كنعاودليك على الماضي ديالي .. نتي خاصك تصبري معايا .. وتعذريني .. راني قلتلك انا براسي مكنحسش براسي .. الى كنتي كتبغيني خاصك تتحمليني ..
عيشة : واخا ..
مراد : هاد واخا ديال الخوف مني ولا ديال القلب
عيشة: لا ديال القلب ..
مراد: نتي مختلفة بزاف .. الغريب كل الغرابة اني نلقى قطيطة فوسط هاد الذياب اللي انا عايشة وسطهم ..
البارت 39
عيشة: انا ماشي قطيطة ..☺️
مراد : قطيطة .. وزوينة .. ورهيفة وزوينة ..
عيشة : وصاافي 😔
مراد : ايوا سولي القطيطة ..
عيشة : نسيت ..
مراد : ممم
عيشة : اه تفكرت .. كيفاش حتى عرفتي باللي راني فداك الكباريه ..
مراد : حقا فكرتيني اش داك تخدمي فيه .. على قلة الخدمات فالبلاد .. ولا الريح اللي جات تديك .. دوي شنو كنتي كتخدمي اخور تما ..
عيشة: لا لا سمعني وخليني نشرح ليك .. انا
مراد : هانا الالة كنسمع يا الله .. 👂
عيشة : هاديك خديجة بنت عمتي .. تلات بيها الايام حتى خدمات تما .. وضربوها ولاد الحرام .. وبداو كيهدوها ترجع الخدمة .. هي كانت مريضة .. ديك الساعة .. شديت بلاصتها على ما تنوض
مراد : ايوا مخفتيش توقع ليك شي حاجة.. معارفاش ان حثالة المجتمع كلها تما .
عيشة : متغوتش 😭
مراد: اووف واش انا كلما هضرت معاك غاتبكي
عيشة : 😭
مراد: صافي هانا ساكت .. اش غاندير معاها يا ربي .. دابا البكا ولا عندك سلاح حيت عارفاني ضعيف اتجاه دموعك ..
عيشة: 😢
مراد: ايوا خلاص ضحكي .. اجي حقا مبغيتيش تعرفي شكون قالي على مكانك ..
عيشة : اه بغيت نعرف
مراد : نبيل ..
عيشة : 😳 نبيل !!
مراد : وشنو كنتي كتسناي من واحد شمكار .، واش تيقتي انه دافع عليك النهار اللول .. هاداك راه كان ناويلك على نية كحلة..
عيشة : 😢
مراد : مسحي دموعك احبيبة .. المهم دابا هو انك معايا .. ومغانخلي حتى واحد يقربلك بسوء...
عنقها وبقا كيبوس ليها فراسها .. دور وجهه ولقى موراهم واحد الشخص اللي مكانش متوقع انه يلقاه ..
فمكان اخر .. كانت الصالحة جالسة ومعاها بنتها ..
الصالحة : شوفي البنات .. اصغرهم تزوجو ..ونتي راكدة ليا هنا بحال الشارفة .. نوضي ضبريلك على شي واحد ونتي ديما يدك على خدك
فاطمة الزهرا : فين غانلقا هادالراجل ..
الصالحة : مشفتيش اللي سميتو اكرم .. ربيب خالتك .. كامل ومكمول .. مخاصه حتى خير..
فاطمة الزهرا: وهاداك غايديها فوحدة بحالي انا .. اكيد عنده شي وحدة اللي قارية بحالو وطبيبة
الصالحة : نتي جربي اش غاتخسري .. تفو على جنس ناقص ..
فاطمة الزهراء :😒
فجهة اخرى كان اكرم مع عالية حتى جاه اتصال
اكرم : الو ..
الدكتور : دكتور اكرم لاباس عليك .. معاك دكتور عادل .
اكرم: اهلا دكتور لاباس عليك ..
عادل : بخير .. مغانطولش عليك .. حنا فالمستشفى عندنا خصاص فالاطباء .. فياريت لو تلتحق بنا
اكرم : غانفكر فالموضوع .. خصوصا وانه عندي ظروف قاهرة هاد اليوماين ..
عادل : كنتمناو توافق ..
اكرم : يكون خير ..
البارت 40
اض مراد وتصدم مللي شاف بابله قدامه ..
مراد :😳 بابا !!!
الاب : كنت عارف اني غانلقاك هنا .. خاصنا نهضرو ..
مراد : عيشة عفاك دخلي للدار ..
عيشة : واخا ..
الاب : اش هادشي كدير .. واش مخايفش من العواقب ..
مراد : عيشة ديالي وحتى واحد مغايفرقني عليها
الاب : باش ديالك باش.. كنتي مزوج بيها ؟؟؟
مراد : 😕 مستعد نتزوج بيها .. وحالا ..
الاب : شوف اولدي .. خللي البنت ترجع لعائلتها .. هاد الناس مكيضحكوش .. وغادي يدخلوك الحبس .. ونتا عارف ماشي من مصلحتنا يقربو لينا البوليس ..
مراد : انا ماسوقيش فهادشي كله .. انا كتهمني غير عيشة ..
الاب : واش كتكساب شي عقل ولا والو ..
مراد : سير بحالك ابابا .. انا غانبقى هنا .. ومتخافش مغانجبلكش البوليس ..
الاب : لا حول ولا قوة الا بالله ..
عند اكرم .. مشا للسبيطار باش يتسلم وطيفته الجديدة .. وبقا كيضور على المرضى كيتفقدهم حتى داز من واحد الغرفة .. اثار فضوله يشوف شكون ..
اكرم : شنو حالة هاد المريض..
الممرض : هادا شخص فاقد للذاكرة .. تقريبا 18 عام وهو هنا .. مكيعقل على والو .. حتى اسمه مكيعرفوش ..
اكرم : غريب .. 18 عام !!!
فدار الريان .. رجع الاب بسرعة وبدا يعيط
الريان : سامية ... سامية ..
سامية:اشنو ..
الريان : مصيبة ..
سامية : شنو واقع هضر .. مازال باغي يهضر الريان .. حتى جات لينا وشد انتباهها تتصنط ليهم ،.
الريان : مراد دا عيشة .. لدار ربيع ،.
سامية: مستحيل .. نفس السيناريو كيتكرر .. وعلاش داها تما ..
الريان : ولدك عايش ومهني .. ورومانسي معاها .. تقولي مزوجين هادي 10 سنين .. والخطير انها حتى هي كتجاوب معاه رغم كل الصداع ..
سامية : لا هادشي بزاف .. خاصنا نعملو شي حاجة ..
لينا مشات دغيا لبيتها هزات التلفون واتصلت باكرم ..
اكرم : اهلا لينا كاين شي جديد ..
لينا : عرفت مكان عيشة ومراد ..
اكرم : فين دغيا هضري
لينا: فدار عمي ربيع الله يرحمه
اكرم : وفين جات هاد الدار
لينا : هادي معرفتهاش .. حياتي كلها وانا كنسمع عليها ولكن عمري عرفتها فين ..
اكرم : واخا انا غانتصرف .. كنشكرك بزاف
لينا: ولو هادا واجب ..
مشا اكرم لامه بسرعة باش يعرف شي معلومة ..
اكرم : ماما ..
العالية : نعام
اكرم : كتعرفي شي دار لربيع الريان
العالية : دار .. معرفتش
اكرم : عيشة تما مع مراد ..
العالية : بنتي 😰
اكرم : حاولي تفكري .. شي دار عندو
العالية : دار .. دار.. لقيتها .. الدار اللي كان مسكني فيها .. زعما يكون تما ؟؟
اكرم : عرفتيها فين
العالية : اه عرفت.. خلينا نمشيو .. واخيرا لقيت بنتي
البارت 41
مشاو اكرم وامه بعدما اتصلو بسعد يلحق عليهم .. وصلو لديك البلاصة .. وبداو يدقو .. وقبل ذلك ..
مراد : حبيبة.. بغيت نتشاور معاك فواحد الحاجة
عيشة : شناهي ،،
مراد : بغيت نتزوجه .. رسميا ..
عيشة : اللي بغيتي ..
مراد : انا خايف يفارقونا .. انا مغانتحملش تكوني بعيدة عليا ..
عيشة : واخا انا معاك ..
مراد : واعديني انك عمرك مغاتفارقي معايا..
عيشة : كنواعدك 😔
مراد : الله يحفظك ليا ..
شوية سمعو الدقان ..
مراد : هادا اكيد بابا .. انا غادي نفتح ..
مشا فتح الباب وتفاجئ مللي لقا اكرم والعالية ..
مراد : ممكن نعرف شكون نتوما ..
العالية : فيناهيا بنتي المجرم ..
مراد : بنتك 😳
دخلات بزاز منه .. ومشات عند عيشة اللي تفاجئات مللي شافتها بدات كتعنق فيها وكتبكي .
اكرم : غاتدفع ثمن اختطافك ليها وتعذيبك ليها
مراد : اش كتقول .. عيشة راها مرتي
اكرم : باي حق راها مرتك .. وريني الدليل.
مراد : انا مغانسمحش ليكم تاخدوها مني .. عيشة قولي شي حاجة ..
عيشة : 😥
مراد : عيشة 😨
سعد : نتا مطلوب للعدالة .. بتهمة الاختطاف والتعذيب .. والاغتصاب ..
شدو مراد وهو كيغوت وكيشوف فعيشة .. وكيترجاها بعينيه تقول شي حاجة .. اما هي فمقدراتش تهضر .. بالصدمة ..
سعد : زيد قدامي ..
اكرم : على سلامتك اعيشة متخافيش كلشي سالا.. غاترتاحي دابا من هادشي ..
ركبو مراد فالطوموبيل دالبوليس وهو مينوطي .. وعيونه على عيشة ..
في بيت الريان ..
الريان : الو .. وي هو هادا .. شنو .. كيفاش تشد ... انا جاي دابا ،،
سامية : اش كاين
الريان : ولدك تشد .. لقاوه وداينو دابا لمخفر الشرطة .،
سامية : اش هاد المصيبة ..
الريان : خاصنا نمشيو وغانتاصل بالمحامي ..
في مخفر الشرطة كان مراد جالس .. وكيستجوبو فيه ..
سعد : هضر .. علاش خطفتي عيشة .. وعلاش تعديتي عليها ..
مراد : عيشة راها مرتي ..انا معدبتهاش..
سعد : عندك شي دليل انها مرتك ..
مراد : ولدنا اللي فكرشها ..
سعد : واش كتصطى عليا .. هاداك دليل ادانة ليك ..
مراد : حنا تزوجنا قدام الله .. وهي غاتقوليك هادشي..
سعد : واش اللي بحالك وبحال عائلتك كيعرفو الله
مراد : خليني نمشي ...
سعد : كتحلم ..
عند عيشة .. بعدنا وصلو للدار وعالية معنقة عيشة وما متيقاش انها لقاتها ..
عالية : بنتي .. ماعمري نخلي شي حد يمسك بسوء .. عمري غانتخلا عليك ..
عيشة : راكي درتيها قبل .. شنو اللي يضمني باللي حتى دابا مغادريهاش..
عالية : عارفة انه صعيب عليك تتقبليني وتسامحيني .. ولكن كنترجاك .. حاولي تفهميني .. دابا نتي قريب غاتولي ام .. وغاتفهميني ..اجي نوريك بيتك .. انا جهزت فيه كلشي .. وتنبأت بالحوايج اللي كيعجبوك .. حيت نتي كتشبهيني بزاف ..
عيشة : لالة العالية انا .. 😔
عالية : قوليلي ماما 😢
عيشة : 😔
اكرم : ماما .. خلي عيشة على راحتها .. مع الوقت غادي تقدر تندمج وتولفك .. وهي اللي غاتجي تقولك ماما ..
عالية : بنتي .. انا معاك .. وعمري مغانتخلا عليك
اكرم : رتاحي شوية اعيشة .. ومن بعد غانمشيو للطبيب نطمئنو على صحة الجنين ... وعليك طبعا
البارت 42
عالية : ولدي .. شفتيها متقبلاتنيش ..
اكرم : متخافيش هي دابا راها فمرحلة الصدمة ..وغادي تتلاشا هاد الصدمة تتريجيا غادي تتقبل هادشي ...
عالية : ولدي بغيت نطلب منك لاول مرة فحياتي طلب .. بغيتك تنفذو ليا
اكرم : طلبي اماما ..
عالية : بعيتك تتزوج عيشة .. وتسجل ولدها باسمك .. وتربيه
اكرم .. عيشة !!!
عالية ؛ مبغيت اي حاجة تربطني بعائلة الريان ... وايلا تزوجتي عيشة .. مغاديش يقدر يتبعها مراد
عفاك فكر فالموضوع .. واعدني
اكرم : كنواعدك ..
فهاد الوقت مشا اكرم للسبيطار.. وبدا يدوز على الممرضين .. تفكر الشخص اللي فاقد الذاكرة مشا طل عليه حل الباب لقا معاه فرملي كيدك ليه الابرة ..
اكرم : اش كادير ..
الممرض : اا هادا غير مهدئ
اكرم : المريض ما محتاجش مهدئات .. هادي اخر مرة نشوفك درتيهله ..
الممرض : واخا ادكتور ..
خرج الممرض وخلا اكرم .. اللي بقا كيشوف فالمريض وهو ناعس .. استغل الفرصة خدا ابرة وخدا عينة من الدم دياله .. ثم خرج مشا للمختبر .. طلب من الصديق دياله يحلل الدم في سرية تامة ... من بعد مشا للبيرو ديالو للي لقا فيه ضيف كيستناه ..
اكرم : اهلا لينا .. لاباس عليك ..
لينا : لاباس .. جيت ليوما نشوفك الى مكان عندك مانع ..
اكرم : مرحبا بيك .. كنشكرك بزاف على مساعدتك..
لينا : ولا عليك .. عيشة انسانة مزيانة
اكرم : ولكن خوك تشد ..
لينا : اه .. ولكن قريب يخرج .. حيت بابا ناوي يدير المستحيل باش يخرجه .. انا لوكان عليا .. اللي سميتو علي هو اللي خاص يتشد ..
اكرم : غادي يتشد وغادي يتعاقب .
لينا: كنتمنى.. قولي واش عندك شي حاجة ليوما .. بغيت نتغداو مرة ..
اكرم : لا معندي والو .. علاش لا ..
في هذه الاثناء .. دخلت خديجة للمستشفى اللي كانت باغا تشوف اكرم .. ولكن مللي شافت لينا معاه ترجعات ..
اكرم : نوضي نمشيو .. انا اللي غانعرض عليك
لينا : ههه انا اللي عارضة ..
اكرم بعدما شاف حديجة دايرة وماشية : خديجة!!
وقفت خديجة ولينا مصدومة ..
خديجة : كنت جاية نسولك على عيشة .. ونهضر معاك شوية ولكن بانلياا مشغول
اكرم : لا لا تفضلي اجي .. لينا انا كنعتذر منك بزاف .. غانأجلو الغدا ..
لينا : 😕 ماشي مشكل .. مرة اخرى .. بالسلامة
اكرم : تفضلي اخديجة .. اجي
دخلت خديجة .. وجلست
خديجة : كاين شي خبار على عيشة ..
اكرم : اه لقيناها
خديجة : 😍 الحمد لله
اكرم : هضري اخديجة .. استرخي وهضري ،.
خديجة : واخا 😔
بدات كتعاود والدموع نازلين شلال ..وهو كيسمع ليها بكل اذان صاغية ..
في مكان اخر .. كانت عيشة كتتأمل وعقلها غير مع مراد.. اش غايكون داير دابا ..
البارت 43
نتمنى تكوني رتاحيتي شوية .. خديجة : اه الحمد لله .. رتاحيت بزاف .. اكرم : شنو رأيك تمشي تتغداي معانا فالدار ومنها تشوفي عيشة .. خديجة: واخا كنشكرك بزاف ،. اكرم : مرحبا .. بعدما حضر محامي مراد قدر يخرجو بكفالة .. الريان : شفتي اش جانا من مور اللي اسمها عيشة .. هانتا وليتي متابع .. مراد : مللي غاتجي عيشة معايا غاتبرأني.. اجي بعدا .. شكون اللي قاليهم على مكاننا .. الريان : معرفتش اكيد ماشي انا ..مغانجيبش البوليس حتى لعندي .. مراد : انا خاصني نمشي نشوف عيشة ،، الريان : مغاتمشي لحتى بلاصة .. رسى .. زيد معايا للدار امك غاتحماق فالدار .. ركبت خديجة مع اكرم .. ومشاو للدار ديال عالية .. استقبلتهم عالية .. اما خديجة دخلات لبيت عيشة .. اكرم : ماما واش هضرتي نتي وعيشة .. عالية : لا حاولت ولكن مبغاتش .. كتحجج بأنها مريضة وباغا تنعس .. اكرم : الصدمة قوية عليها خاصنا نعطيوها وقت .. وانا غادي نتابعها نفسيا من داخل البيت جلسات خديجة وعيشة .. خديجة : توحشتك اصاحبتي بزاف .. عيشة : حتى انا .. كيدايرا عمتي خديجة : بخير .. عاوديلي .. تكرفص عليك ياك عيشة: لا ابدا .. كان حنين بزاف .. خديجة : حنين .. واش المجرم اللي بحالو كيعرف الحنان .. عيشة: متقوليش عليه مجرم .،
واش وليتي كتبغيه عيشة: نقولك ولكن بيناتنا .. الصراحة اه .. خديجة: ناري اش هادشي كنسمعو .. واخا كاع داكشي اللي دوز عليك.. عيشة: مراد تبدل وولا واحد اخور .. طلب مني الزواج.. واخا انا دية..، خديجة: وشنو قلتيله نتي .. عيشة: وافقت.. خاص يخرج غير من الحبس .. وغادي نتزوجو خديجة: واش كتظني ان ماماك غاتوافق .. عيشة: 😢 خاصها توافق.. ولا مغاتعاودش تشوف وجهي ..ً خديجة: ولكن الام متعوضش .. عيشة: هي اللي تخلات عليا النهار الاول.. خديجة: الحب صعيب .. والقلب مللي كيختار مكيشاورش .. عيشة: كتهضري بحال الا مجرباه.. خديجة: ☺️ عيشة: خديجة .. gرري .. اش واقع.. خديجة: والو فخبارك ليوما درت حصة نفسية نع اكرم .. عرفتي بحال البلسم.. خرجني من الغمة اللي كنت عايشة فيها فساعة عيشة: قلتي اكراام .. قوليها .. خديجة: مالك انا كنهضر عليه كطبيب .. خاصك حتى نتي ديري معاه جلسة .. غايداويك عيشة: وانا نفهم .. خديجة : انا غانوض نمشي بحالي .. بالسلامة .. عيشة: ديك الساعة قولي لاكرم يوصلك 😂 خديجة: 😠 خرجات خديجة .. بعد دقائق دخل اكرم .. اكرم : واش مسالية نهضرو شوية .. عيشة: اجي مرحبا .. اكرم : ترحب بيك الجنة .. يمكن هادي اول مرة نهضرو فيها مباشرة مع بعض .. عيشة : قولي اكرم .. واش نتا خويا اكرم : لا .. انا غير رباتني ماماك بعدما ماتت الوليدة ديالي .. وعطاتني الحنان ووليت كنقوليها ماما ،. عيشة : فهمت .. اكرم : عاوديلي اعيشة .. كيفاش كان كيعذبك مراد .، عيشة: علاش كتسولني هاد السؤال .. اكرم : حيت بغيت نشخص حالتك .. وبعدها نقدر نعاونك .. عيشة: مراد تبدل معايا ومابقاش كيضربني .. اكرم : انا سولتك على العذاب .. ماشي على الحنان .. مثلا اغتصبك وضربك واختطفك اخيرا عيشة: لا هو مادارش هادشي .. حيت خداوني دية .، يعني من حقو يردني اكرم: شناهوا 😕 من حقو.. عيشة: هادو هما التقاليد .. وحنا مسلمين خاصنا نطاعو .. اكرم : نبغي نقولك الالة عيشة باللي الدية عمرعا مكانت فالاسلام ،. او بالاحرى الدية اللي كتكون امرأة عمرها كانت فالاسلام .، هادوك غا تقاليد غبية .. متعارف عليها فالقبائل حتى ولاو الناس مصدقينها ومقتانعين بوجوبها .. بالعكس الاسلام كرم المرا وجعل ليها مكانة وقيمة .. عيشة: مفهمتش .. اكرم : نفسرليك اكتر.. ديك الشرعية اللي كيشدك بيها مراد معاه ..شرعية باطلة.. يعني قانونيا وشرعا نتي عايشة معاه فالحرام .. والولد اللي فكرشك ابن زنا ،. عيشة : فالحرام !!😱 اكرم : اييه الالة ..
اكرم : اييه الالة .. الزواج عندو شروط ماشي غا خود مرا بحال البهيمة .. مراد خاصه الحبس عيشة: ولكن واخا هكاك مبغيتوش يدخل الحبس .. انا مسامحاه .. هو طلب مني الزواج .. وانا وافقت .. اكرم : اممم .. فهمتك دخلات العالية .. : واش قاطعتكم ،، اكرم : لا تفضلي عالية : انا هضرت مع المحامي .. غادي يقاد الوراق ديالنا باش نسجل بنتي بسميتي .، باش تقدر دير بطاقة .. وتولد فالسبيطار اكرم : جميل .. عالية : غدا خاصنا نمشيو بكري للمحكمة باش نساليو الاجراءات اكرم : يكون خير .. تأليف دودي العيساتي
البارت 44
فاقت عالية وفيقات عيشة باش يمشيو للمحكمة ومعاهم اكرم .. باش تسجل بنتها باسمها وفجهة اخرى ناض مراد بكري باش يمشي يشوف عيشة .. مشا لدار العالية لقا عيشة وعالية خارجين مع اكرم وراكبين طوموبيلته .. تبعهم وبقا تابعهم حتى وصلو للمحكمة .. نزلو وحتى هو نزل دغيا .. لمحاتو العالية ووقفات ..
اكرم : ماما واش مغادخليش ...
عالية : سيرو نتوما .. انا غانتبعكم دابا غاندير مكالمة ..
اكرم : واخا .. يالله اعيشة ..
دخلو وهي بقات برا .. شوية اتجهات لعند مراد
عالية : اهلا بولد سامية.. سليل الريان ..
مراد : انا سميتي مراد ..
عالية: عارفة،. وعاقلة عليك مزيان .. بالامارة كنتي عزيز على عمك ربيع بزاف ..
مراد : فين كتعرفي عمي ربيع ..
عالية: انا عارفة بزاف دالحوايج ،، كما عارفة انك مخاصكش تكون هنا ... فرق عليك بنتي اولد الناس .. وباراكة غير داكشي اللي شفنا منكم انا وياها ..
مراد : انا مفهمتش شنو كتقصدي ولكن انا مكيهمنيش هادشي كله .. كتهمني غير عيشة ..
عالية: عيشة باراكة عليها داكشي اللي شافت منك .. باركة .. هي غاتبدا حياة جديدة مع اكرم .. وغاتنساك وتنسى الماضي القذر ديالها معاك
مراد : مستحيل .. هي هازة فكرشها مني.. مستحيل نخليها تكون لشي واحد اخور ..
عالية : الى قربتي من بنتي غادي ندخلك الحبس ،. فهمتي .. ومغايكفينيش موتك الى وقعات ليها شي حاجة .. وسمعني مزيان ،. هادي اخر مرة كنشوفك كتضور بيها .. حنى داخلين دابا نديرو الاجراءات ديالها .. وكنحذرك الى قربتي منها غادي نوريك الوجه لاخور ديالي ..
مراد : عيشة مستحيل تقبل تكون مع واحد اخور من غيري .،
عالية : على اساس شافت معاك ايام زوينة .. ولا بأمارة الايام الكحلة اللي دازو عليها معاك... هضرة وحدة هي اللي كاينة .. ونزيدك .. عيشة هي اللي باغا تبدا حياة جديدة مع اكرم..
مشات عالية وخلات مراد حال فمه ومصدوم .. مستحيل عيشة ديرها .. ولكن علاش لا .. هي اكيد محاملانيش بسبب داكشي اللي دوزته عليها .. انا منقدرش نعيش بلا بيها ..
كمل اكرم وعيشة شغلهم ودفعو الملف ديال التسجيل ديالها ..
اكرم : واخيرا ..
عيشة : الحمد لله ..
عالية : بنتي مبقا قد ما فات ونرجعو نعيشو اسرة عادية.. غانسافرو من هنا .. وغادي نبعدو على هاد الناس كلهم ،،
عيشة: نسافرو ؟؟؟
عالية : اه ..
عيشة : ولكن ..
اكرم : امم شنو رأيكم تدوزو معايا للسبيطار منها نطمئنو على الجنين دعيشة ..
عالية : فكرة زوينة
مشاو للسبيطار داخلين ناشطين ...
الممرض: السي اكرم بغاوك فالمختبر
اكرم : نكمل ونجي ..
دخلو واتاجهه لمصلحة النساء .. ذخلو للطبيبة بعدما فحصات الطبيبة عيشة ..
الطبيبة: واش كتعرفي جنس الجنين ..
عيشة : لا ..
الطبيبة : عندك الالة بنتيتة ..
عيشة : 😍 حبيبة قلبي ..
اكرم : اكيد غاتكون تشبه ليك ..
العالية : الله يحفظها لينا
الطبيبة : راكي فست شهور الالة .. خاصك تتهلاي فصحتك شوية .. حيت جسمك ضعيف ..
اكرم : اكيد غانتهلاو فيها ..
ناضو من تما وهما فرحانين بزاف ودعو اكرم ومشاو .
البارت 45
اكرم : امضرا اش كاين ...
الطبيب : التحليل ابان عن ماذة مخدرة .. واللي كتسبب مع مرور الوقت فقدان للذاكرة .
اكرم : كما توقعت .. انا خاصني نتاصل بسعد هو اللي غايعاوني ..
اتصل اكرم بسعد اللي حضر مباشرة .. خبرو اكرم بالممرض .. اللي اعتقلاته الشرطة ..
الممرض : انا ما درت والو ..
سعد : من للافضل تعتارف .. شكون اللي عطاك الفلوس دير هادشي ..
الممرض : عفاك خليني نمشي انا عندي ولاد
سعد: نتا غاتبقى هنا وغدوز الحبس وغاتهز التهمة بوحدك .. من الافضل تعتارف ،،
الممرض : انا غانقول كلشي .. واحد الراجل هو اللي كيعطيني الفلوس.. وهو اللي جابو هنا النهار الاول ..
سعد : شكون هاد الراجل
الممرض : سميتو الريان .. هادشي اللي كنعرف عليه
سعد: الريان !!!
في المنزل بقا عالية كتهضر مع بنتها ..
عالية: بنتي شنو رأيك فأكرم ..
عيشة : ضريف..
عالية : غايكون اب مناسب لبنتك ..
عيشة : 😨 انا بنتي عندها اب واحد ..
عالية : سمعي ابنتي .. دوك الناس خايبين بزاف ومن مصلحة بنتك تكبر بعيدة عليهم ..
عيشة : انا عارفة كلشي ..
عالية : ولكن نتي معارفاش شنو دوزو عليا ...
عيشة : اكرم عاودلي ..
عالية : بنتي .. انا فقدتك المرة الاولى بسبابهم .. معنديش استعداد نفقدك مرة اخرى ..
عيشة : بغيت نمشي نشوف عمتي ..
عالية : واخا .. خلينا نمشيو ..
من جهة اخرى ..
اكرم : شكون نتا .. وشنو باغين منك هاد الناس
المريض : معرفتش شكون انا .. واينا ناس ..
اكرم : والو .. انا غانتهلا فيك .. عبد الصمد ..
عبد الصمد : وي دكتور
اكرم : ممنوع شي حد يدخل عنده كيفما كان ..
بقا غادي اكرم حتى صونا ليه التلفون ..
سعد : وي اكرم خاصك تجي حالا
اكرم : واخا هاني جاي ..
مشات عيشة وعالية لدار العمة .. اللي استقبلاتهم فيه خديجة
العمة : توحشتك ابنتي
عيشة : حتى انا وبزاف
نبيل : ختي عيشة ،. توحشتك
عيشة: 😒
نبيل: مالك اختي عيشة ..
عيشة : شحال باش بعتيني ..
نبيل : اا انا ..
خديجة : حنا كلشي عارفين شوقع داك المرة بلا متمثل علينا ..
نبيل : منمثل متمثلو هاني خارج .. تتهناو مني
عيشة : 😕
خديجة : خليك منه .. اا علاش مجاش معاكم اكرم ...
عيشة : 😁 اكرم ..
خديجة : صافي مقلت والو ..
عند سعد كان كيستنى اكرم بعدما جا ..
سعد: غادي تتصدم مللي تعرف شكون كان يصيفط داك الفرملي
اكرم : شكون ..
سعد : الريان
اكرم : مستحيل .. ولكن شنو علاقته بيه
سعد : هادشي معرفتوش ..
اكرم : هاد الراجل باينة فيه مخبي مصايب ..
سعد : بالمناسبة انا درت محضر بموت اللي سميتو انس الريان .. وصدر قرار باعتقال علي بتهمة القتل الغير العمد..
اكرم : مزيان .. وانا غانقلب شكون داك الراجل
مشا للدار لقا عيشة والعالية راجعين .. دخلت عيشة للبيت ديالها اما اكرم بقا مع امه ..
اكرم : كيبقات عيشة ..ولفاتك شوية
عالية : مفهمتش واحد الحاجة .. اشنو دارليها هاد مراد .. مشايفا فالدنيا حد من غيرو .. مع انه دوز عليها المر ..
اكرم : هادي كتسمى فعلم النفس متلازمة استوكهولم ..
عالية : اشناهواا ا
اكرم : هادي واخد الحالة كتجي لبعض الناس مشاعر كيتحولو من كره لاستعطاف .، وحب اتجاه المختطف والمعذب .. وعيشة من هاد الناس
وهادشي وقعليك حتى نتي فصغرك مع ربيع ..
عالية : متفكرنيش بدوك الناس ..
اكرم : بالحديث على دوك الناس .. الريان كيتأمر على واحد الشخص فالمستشفى عندنا كيحقنوه بمادة كتسبب تلف فالذاكرة.. هادشي اكتشفته اليوما..
عالية : شكون هاد الشخص ..
اكرم : هادشي اللي معرفتوش .. وبغيت نسولك .. اكيد تكوني كتعرفي الناس اللي عندو معاهم عداوة ..
عالية : تقريبا .. زعما يكون شي واحد من الدوار
اكرم : غانكون شاكر ليك الى عاونتيني نعرف شكون هو .. حيت تحديد هويته فيها 40 فالمية من العلاج ديالو
عالية : واخا اولدي فوقاش ما بغيتي .. انا مستعدة نمشي معاك ..
البارت 56
تأليف دودي العيساتي .. الغد ليه ناضو بجوج اكرم وعالية ومشاو للسبيطار .. دخلو يشوفو المريض ،. عالية مع الدخلة انتابها احساس غريب بقات كتشوف فيه وهو ناعس فجأة دموعها بداو كينزلو وكترعد .. اما المريض فاق شاف فيها وبقا مصدوم بلا ميدير اي حركة ..
عالية : 😭😭😭
اكرم : ماما واش نتي لاباس .. واش كتعرفي عاد السيد ..
عالية : علاش 😭😭 علاش يا دنيا علاش ..
اكرم : اجي معايا اماما .. اجي رتاحي ..
خرجها من البيت وجاب ليها كاس دالما ..
اكرم : شنو وقع ..
عالية : ربيع .. هاداك ربيع ،،
اكرم : مستحيل .. يعني ماماتش ..
عالية : 😭 معرفتش معرفتش ،. اكيد كنحلم
اكرم : واش متأكدة اماما هو
عالية : ميمكنش يخفى عليا .. هو
اكرم : خاصني نخبر سعد بهادشي .. ونواكبه نفسيا باش يقدر يتذكر ويعرف شوقعليه .. والريان خاص يدخل الحبس .،
ناضت عيشة من النعاس وملقات حتى واحد .. فكرات تمشي لخالتها تزورها ومنها تشوف فاطمة الزهرا.. لبسات حوايجها وحطات يدها على كرشها .. وخرجات ... شدات طاكسي لدار خالتها وتصدمات من داكشي اللي شافته ،، كان مراد واقف فالباب مع فاطمة الزهرا وكيدوز على شعرها .. صدمة قوية واش هادا اللي كان باغي يتزوج بيها .. امها كان عندها الحق فداكشي اللي قالت .. شاف فيا ومتحركش .. اما هي شدات طاكسي ورجعات البلاصة اللي جات منها .. دخلات لبيتها تلاحت على الناموسية وبدات كتبكي بالجهد .. رجعات عالية للدار وجميع الذكريات السيئة كدوز حدا عينيها الماضي راجع من جديد .. علاش .. واش وقع ..
دازت ايام والكل فهواه عايم .. عيشة مصدومة من داكشي اللي شافت وعالية كذلك .. اكرم منشغل بالمريض الجديد دياله اما الريان فتشد فالحبس وكيحققو معاه .. خصوصا بعدما واجهوه بداكشي اللي كاين مقدر يقول حتى حاجة ..
عالية : الو ولدي ..
اكرم : عندي ليك اخبار زوينة ..
عالية : شواقع ..
اكرم: اليوم عطانا العلاج شرارة الامل .. ربيع بدا يتذكر واول حاجة تفكرعا هي نتي .. قال عالية
عالية : واش بالصح .. انا جاية ..
مشات عالية للسبيطار .. وشافت ربيع اللي بان مضطرب نفسيا بزاف مرة يتفكرها مرة لا ..
اكرم : خاصنا نصبرو ..
عالية : انا غانمشي نشوف الريان .. هو اللي خاص يقول الحقيقة ..
اكرم : بغيتي نمشي معاك
عالية : لا بغيت نمشي بوحدي ..
مشات وبقا كتسنى يخرج عندها .. اما اكرم فجات عندو ضيفة غير متوقعة ،.
اكرم : خديجة لاباس ..
خديجة : الحمد لله واش خارج
اكرم : اه تبغي نتمشاو شوية
خديجة : اه مكرهتش ..
اكرم : يالله ..
بقاو كيتمشاو وكيهضرو ..حتى وقفات عندهم طوموبيل ..
الراجل : شفتك ضبرتي كليان جديد
تصدمات خديجة .. ولكن اكرم شدها من يدها وردها موراه
اكرم : غاتفرق عليك خديجة ولا غاتشوف وجه مغايعجبكش ..
الراجل: وشكون نتا ..
اكرم : راجلها ..
الراجل : واخا اسيدي .، سيو خديجة ..
تصدمات خديجة اكتر من هضرة اكرم اللي اول مرة كتحس بالامان مع شي واحد نرجعو للعالية اللي تلاقات الريان
عالية : اشوقع .. لاول مرة فحياتك .. قول الحقيقة
الريان : وباش غاتهمك
عالية : ربيع باقي عايش .. ونتا اللي كنتي مخبيه
الريان : مالو فار ..
عالية : سامية مفخبارهاش انك مخبي خوك ياك وحتى ولدك مراد ..
الريان : ربيع دار كسيدة فقد الذاكرة فيها ودبتو السبيطار هادا مكان ،.
عالية : قول ضبرتو حادثة موتو ولكن نتا قلبك مطاوعكش تقتل خوك فاختاريتي الحل الاسهل هو يحماق وينسى كلشي
الريان : سيري بحالك العالية.. هادشي ماش ديالك ..
عالية : كنواعدك غانفضحكم .. وغانشوف
الريان : مع السلامة .. متبقايش تغيبي علينا
البارت 47
اكرم : سمحيلي اخديجة .. اضطريت نقوليه هاكا باش يتفارق معاك ..
خديجة: ( وانا اللي كان يصحابلي غادي يطلبها مني.. خديجة متنسايش مقامك الحقيقي )
اكرم : مالك ساكتة ..
خديجة : لا والو غير.. كنشكرك بزاف .. حيت كلشي كيتعاملو معايا كمذنبة الا نتا ..
اكرم : ولكن هادا مكيعنيش انك مغلطيش ..
خديجة : 😳
اكرم : ولكن انا مبغيتش نزيد عليك اكيد نتي عارفة هادشي مزيان .. ومتحتاجيش شي حد يقولهالك ..
خديجة : عارفة .. 😔
اكرم : خديجة .. نتي مغاتقايش تمشي لديك البلاصة مرة اخرى ياك
خديجة: ولكن خايفة يديرولي شي حاجة
اكرم : من هاد الناحية متخافيش .. انا غانتصرف .. المهم تكوني نتي مقتنعة تبعدي ..
خديجة : واش كاين شي حد يبغي النجاسة
اكرم : مزيان ... وانا غانقلب معاك على خدمة شريفة ..
خديجة:كنشكرك بزاف ... الدار قريبة اجي تشرب شي حاجة ..
اكرم : مرة اخرى .. تهلاي فراسك ..
خديجة : حتى نتا ..
اكرم : (خرج التلفون وبدا يهضر ) اهلا سعد فين وصلتي ..
سعد: ها حنا كنحقو معاه مبغاش يعترف ..
اكرم : واخا بغيت منك خدمة وحدة اخرى ..
عقلتي على خديجة اخت نبيل .. كانت خدامة فواحد الكباريه .. باغا تخرج منه ولكن هما مازال كيتبعوها ..
سعد : واخا انا غانتصرف
اكرم : مزيان ..
مشات خديجة وبقا كتهضر معا راسها
علاش قال هكاك .. اكيد كيحس شي حاجة من جيهتي والا مكانش غادي يدير داك التصرف .. ومكينصحك غا اللي قلبو عليك .. زعما يفكر فشي وحدة بحالي وعندها ماضي بحالي .. فيقي اخديجة فيقي .. واش نتي مسطية .. شوفي فراسك مزيان فالمرايا وعرفي قيمتك .، هاداك راه طبيب وولد عائلة .. علاش غايفكر فيك نتي .. وهاديك غا خدمته كيديرها معاك الاحباط عاود تاني..
فالسبيطار كانت عالية جالسة حدا ربيع ..
عالية : ربيع .. واش نسيتيني .. انا عالية ..
ربيع : شكون نتي وشكون انا
عالية : ربيع عافاك .. واش نسيتي .. ربيع انا لقيت بنتنا .. وراها معايا كنستناوك غا نتا ..
ربيع : مكنعقل على والو .. واش نتي كتعرفي شكون انا ..
عالية : اه نتا ربيع ..
اكرم : ماما .. فين وصلتي ..
عالية : 😭 مكيعقل على والو ..
اكرم : تهدني راه الموضوع ماشي ساهل . . راه 20 عام وهو كيتحقن بالمادة المخدرة .. طبيعي تأثر عليه ..
عالية : حتى لفوقاش ..
اكرم : وعيشة عاودتيلها شي حاجة على باها ..
عالية : منقدرش .. خايفة تتصدم مللي تعرف باللي هي بنت عائلة الريان ..
اكرم : انا غانتكفل بالموضوع .. وغانكون معاك .. غانتي ديري الكوراج وعاوديلها
عالية : واخا ..
مشاو اكرم وامه للدار .. وطلعو عند عيشة اللي لقاوها فالبيت كتبكي
اكرم : عيشة .. مالك شكون قلقك
عيشة : حتى واحد ( بدات كتمسح دموعها )
اكرم: اذا علاش هاد الدموع ..
عيشة : قلتلك حتى واحد واش مكتفهمش .. ومن هنا الفوق كلشي غاتشوفو عيشة اخرى ..
اكرم : ههه
عيشة: علاش كتضحك ..
اكرم : والو ههه مزيان تكوني قوية اعيشة .. وخا الكاريزمة ديالك بعيدة على القوة والشر .. نتي عيشة الطيبة الرقيقة .. اللي فنظري مستحيل تتبدل وتولي شخص سيء ابدا .،
عيشة :😭ً
اكرم : بكي .. البكا زوين .. حيت عاد دابا قلتيلي غاتبدلي ومغاتبقايش تبكي ..
عيشة : مراد مكانش يعجبو نبكي ..
اكرم : النظرية ديالي كتزاد تتأكد ..
عيشة : كيفاش ..
اكرم : حيت نتي كتبغي جلادك ..
عيشة : كيفاش .. 😢
اكرم : هههه والو خليك بريئة كما نتي .. كما كنعرفك من ديما ..
عالية : عيشة خاص نهضر معاك فحاجة مهمة ..
عيشة : شنو ..
بدات عالية كتعاود لعيشة وهي مصدومة من داكشي اللي كتسمع ...
عيشة : يعني مراد هو ولد عمي 😳
اكرم : واش هادي هي الحاجة الوحيدة اللي كتهمك فالموضوع .. مفكرتيش فباباك اللي مازال عايش ..
عيشة : بغيت نشوفه..
اكرم : مزيان ..
البارت 48
سامية : اش واقع مالك محبوس ..
الريان : والو انا براسي معرفتش ..
سامية : كيفاش معرفتيش .. شكون هاداك الراجل للي كنتي كتدير ليه الشوكات ..
الريان : 😔
سامية : هضر مالك ساكت ..
الريان : ربيع ..
سامية : اش هادشي كتقول .. ربيع مات من 20 عام دابا ..
الريان : ماماتش .. انا نقذتو من الحادث وديتو للسبيطار ..
سامية : الله ياخد فيك الحق .. الله ياخد فيك الحق .. خرجتي علينا خرجتي علينا ..
الريان : واش صحابلك انا قلبي حجر باش نقتل خويا ..
سامية : على اساس مدرتيهاش مع باك..
الريان: سكتي واش باغا تفضحينا ،.
سامية : نتا اللي فضحتي راسك .. انا معنديش علاقة بهادشي ..
الريان: مكانوش هادو افكارك نتي .. باش ناخدو الورث ،،
سامية : سكت سكت 😠
سعد: 👏👏👏 مزيان .. واخيرا اعتارفتو ..
سامية : اش هادشي .. وباش اعترفت ..
سعد : نتي الالة مطلوبة للتحقيق .. فحادثة موت سائق السي ربيع واحتجاز ربيع فالمستشفى ودابا تزادت حتى حادثة قتل الريان الاب ..
سامية : انا مدرت والو .. ومكنعرف والو
سعد : هادشي قوليه فالتحقيق ..
فالمستشفى مشات عيشة لربيع .. وطلات عليه .. بقات معاه فترة وهو معارفهاش ولكن مرتاح ليها بزاف ..
اما عالية واكرم بقاو كيشوفو فيهم من برا
عالية : شفتي بحال الى كيعرفو بعضهم من شحال هادي ..
اكرم : بيناتهم رابط خفي .. ميحتاجوش يكونو دوزو حياتهم مرا ..
عالية : كنتمنى يرجع يعقل على شي حاجة ..
اكرم : انا كنستبشر خير من عيشة .. حيت بجوج بهم حالات خاصة ..
شوية بدا كيصوني التلفون لاكرم ..
اكرم : وي ..
سعد : صاحبي عندي ليك اخبار
اكرم : اش كاين ..
سعد : احتجزنا سامية مرت الريان .. حيت اعترفت انها اللي تعاونات مع الريان باش يدبرو الحادث .. والمفاجأة انهم قتتلو الجد ..
اكرم : هادشي خطير بزاف ..
عالية : اش كاين ..
اكرم : يالله نهضرو من بعد ..
عالية : اكرم .. اش كاين ..
اكرم : مفاجأة.. سامية تشدت مع الريان .. بتهمة قتل الجد وتدبير الحادث اللي مات فيه الشيفور وفقد فيه ربيع الذاكرة ..
عالية : ما مفاجأة ما والو .. سامية دير اكتر من هادشي .. انا اللي كنعرفها مزيان .. هادي عقرب وكتسمم اي واحد يوقف فطريق احلامها
اكرم : هادشي غايصدم ولادهم بزاف خصوصا لينا ،.
عالية : وباش كيهموك ..
اكرم : والو من باب الانسانية فقط
عالية : مكيربطنا بدوك الناس حاليا غير ربيع ..
اكرم : واخا اماما ☺️
دازت ايام .. وعيشة مع ربيع وهو كيتجاوب معاها مزيان وكيتجاوب للعلاج بشكل كبير اما سامية والريان فبانت ادلة جديدة تثبت ادانتهم ..
فبيت الريان .. كانو ولادهم مصدومين من الكابوس اللي كيعيشوه .. كانو جالسين كل واحد منهم يترقب المصيبة اللي حلت بيهم ..
عالية: انا ممتيقاش .. واش كنحلم
مراد : علاش لا .. انا هادشي مرضني بزاف .. مازال كنعقل .. كلشي وقع قدام عيني .. كنت كنشوف فجدي .. اللي ممدد مريض.. والسيرو فيديه .. حتى سمعت شي حد جاي للبيت .. تخبيت مور السيتار .. شفت بابا دخل .. بقا كيتأمل بزاف فوجه جدي .. بدا كيهضر ويبكي ويقول علاش ابابا .. علاش درتي هادشي .. علاش وصلتيني لهادشي .. شوية هز مخدة وبدا كيختقو بقوة بزاف .. انا طاحو ركابيا ديك الساعة وخفت بزاف خليتو حتى خرج .. وانا نخرج .. كنت خايف ومرعوب .. خصوصا من بابا .. اللي ولا فعيني داك السفاح ..
لينا : 😭😭😭 واش كنحلم .. واش انا بنت مجرمين ..
مراد : حنا خاصنا نغيرو هادشي ،. جا الوقت اللي لابد ميتحاسبو فيه على داكشي اللي داروه .. والوقت اللي خاص تاخد فيه عيشة وعمي ربيع حقهم ..
لينا : انا مبغيت والو .. ومبغيت حتى حاجة تربطني بهاد العائلة ..
مراد : عارف الصدمة قوية عليك ولكن خاصك تحاولي ...
عنق خواتاته .. وبداو يبكيو بطريقة هيستيرية
البارت 49
بانو الاخوة فالدار .. فاق مراد وهو مشطون على ختو لينا اللي خدات اكبر نصيب من الصدمة ... مشا عندها باش يطمئن عليها ... بدا يدق : لينا واش نتي فايقة .. مفتحاتش ومجاوباتوش وحل الباب ملقاهاش .. شوية شاف قدامه ورقة .. خداها وبدا يقرا
- خويا ختي .. وحتى والديا .. انا كنعتدر بزاف منكم .. حت هادشي بزاف عليا ومنقدرش نتحملو ،، انا غادي نمشي لبلاصة بعيدة .. اللي مغاتقدروش تلقاوني فيها .. كنعتدر بزاف مرة اخرى ولكن هادشي فوق طاقتي وكنصحكم متقلبوش عليا حيت مغاتلقاونيش .. اختكم لينا ..
كمش الورقة فيديه وقال : علاش الينا ديري هادشي علاش ...
واحد النهار اتصل اكرم بعيشة وفرحها ..
اكرم : عيشة عندي ليك خبار زوينة ،. باباك تذكر كلشي ..
عيشة : بالصح .. انا فرحانة بزاف ..
اكرم : خاصك تجي .،
مشات بلهفة كبيرة هي وعالية .. ودخلو عندو ..
عالية : شكون انا 😢
ربيع : عالية 😰
عالية: 😭ً ربيع ..
ربيع : سمحيلي بزاف .. مقدرتش نحميك نتي وبنتنا ..
عالية : نسا كلشي كنترجاك .. بنتنا رجعاتلي ...
ربيع : .. هي ديما معايا ..
عيشة: انا اسعد وحدة فالدنيا .. بابا وماما حدايا .. بعدما كنت مقطوعة من شجرة ويتيمة ..
عالية : غادي نعوضوك ابنتي .. كنواعدوك ،،
خرج ربيع من السبيطار.، والتم شمل الاسرة من جديد ..جاو العائلة لعندهم باش يباركو ليهم رجوع ربيع بالسلامة .. وجات الصالحة وبنتها اما عيشة .. فشافت فاطمة الزهرا .. ومتمالكاتش راسها ..
عيشة: مارال عندك الوجه اللي تجي بيه عندي ..
فاطمة الزهرا : انا اللي مفاهماكش ،، ياك نتي مكتبغيهش .. وعارفة من قبل متعرفيه نتي انا كنت كنبغيه فالوقت اللي كنتي فيه هايمة فخويا .، علاش دابا معصبة مني
عيشة: حيت انا كنبغي مراد .. ومبغيتكش معاه
فاطمة الزهرا : لوكنتي بالصح كتبغيه مكنتيش تخطبي لاكرم ..
عيشة: اكرم !!!! اكرم راه خويا اش خطوبة ..
فاطمة الزهرا : مراد هو اللي قالي هاد الهضرة
عيشة: مراد !!! وهو شكون اللي قاليه هاد الهضرة ..
فاطمة الزهرة: معرفتش .. اكيد شافك معاه ..
عيشة: مراد 😔
اما خديجة فاختارت تتأمل فالجو .. ولكن سنعات موراها صوت فاجأها
اكرم: واش مشغولة
خديجة : اب اد .. لا لا
اكرم : فاش كتفكري ..
خديجة : والو ..
اكرم : اش درتي فداكشي اللي اتافقنا عليه
خديجة : شنو اللي اتافقنا عليه.. اه خرجت من الخدمة اه
اكرم : مزيان .. انا ضبرتلك على خدمة جديدة .. وزوينة غاتناسبك ،..
خديجة : بالصح انا كنشكرك بزاف ..
اكرم : مسولتينيش اشناهيا هاد الخدمة ..
خديجة : شنو ..
اكرم : انا الالة قريب نفتح عيادة خاصة .. وبغيتك تكوني معايا .. يعني تنضميلي المواعيد وداكشي
خديجة: 😍 خدمة زوينة بزاف .. انا كنشكرك
اكرم : ولا عليك ..
داز الحفل زوين .. بالليل .. مشا ربيع لعند بنته
عيشة : بابا .. اجي دخل
ربيع : كيدايرا ابنتي مع الحمل
عيشة : مزيانة هادا شهري ..
ربيع : الله يسر ليك ابنتي .. مالك كتخمي
عيشة : نقولك ومتقولها لحد
ربيع: قولي ابنتي
عيشة: مراد .. 😔
ربيع: مالو ..
عيشة: هو صحابليه انا غانتزوج اكرم
ربيع : فهمتك .. شوفي ابنتي .. يمكن انا كنت اقرب لمراد من باه .. لذلك كنقولك سيري لعنده وعاوديلو كلشي ...خصوصا فهاد الضروف اللي هو راه فيهم .. محتاجك بزاف
عيشة: هادشي اللي بانلك
ربيع : اه ابنتي ونتي تعرفي
عيشة : الله يحفظك ليا ابابا ..
شحال زوين تكون عندك عائلة كتخاف عليك .. وتحس انك عندك قيمة فهاد الحياة ..
البارت 50 الاخير
فاقت عيشة بكري هاد النهار وكلها امل تمشي تعاود لمراد الحقيقة .. شدات الطريق للدار .. اللي دخلات ليها اول مرة وهي كتبكي .. واللي دخلاتها جوج دالمرات بزاز عليها .. اما دابا دخلاتها بخاطرها .. وهي كتقلب على حب حياتها .. شافها وتصدم
مراد: عيشة😳
عيشة: لقيتك مجيتيش .. قلت نجي انا ..
مراد: فين هو خطيبك ..
عيشة: انا ما خطيبة حد ..
مراد : ماما هي اللي قالتهالي ..
عيشة: ماما 😳.. انا قلتلك متخطبت لحد ..
مراد : اذا علاش مجيتيش تخرجيني من الحبس وعلاش مهضرتيش نهار شدوني البوليس .. هادشي كيعني حاجة وحدة هي انك مكتبغينيش .. وكتكرهيني بسباب العداب اللي دوزت عليك ..
عيشة: مراد انا كنت مصدومة من داكشي اللي واقع قدامي .. مقدرتش نهضر وكنت ديما كنفكر فيك وكنهضر عليك .. ولكن نتا صدمتيني مللي مشيتي لفاطمة الزهرا ..
مراد : انا مشيت عندها غا باش نفقصك ..
عيشة : وها نتا فقصتيني شنو باقي مازال
مراد : ميمكنش اعيشة.. انا والديا هما السبب الاول فعذابك طول حياتك .. هما السبب باش تربيتي يتيمة.. وهما السبب باش جابوك لعندي وانا كملت على الباقي..
عيشة: رغم كلشي الا اني كنبغيك. واش مكتفهمش..
مراد : كنفهم ولكن ميمكنش.. عمي ربيع مغايتحملش يشوف وجهي بعدما عرف الحقيقة..
عيشة: عمك ربيع هو اللي حفزني نجي عندك.. وهو كيستناك تجي تشوفو.. حيت توحشك بزاف
مراد : ولكن..
عيشة: شوف انا قريب نولد بنتنا
مراد : بنتنا 😳
عيشة: اه بنتنا .. واش معجباتكش
مراد: اه عجباتني .. صدمتيني .. عيشة انا كنبغيك ..
عيشة: ااااي 😳 فيا وجع امراد الحريق كنموت .. انا غانولد ..
مراد : عيشة 😰 انا انا اش غاندير ..
عيشة: ديني للسبيطار دغيا .. ااااي .. وعيط لماما .. اااي كنموت
مراد : صبري احبيبة صبري .. الله يا ربي ..
عيشة: وا دغياااا
بقاو غاديين وعيشة كتغوت بالجهد ومراد كيصبر فيها .. وهي غا زايدة فالغوات .. ااااي .. كنموت
اتصل بالجميع وجاو للسبيطار دخلوها تولد .. اما مراد فماكانتش هازاه الدنيا غادي جاي .. فالاخير سمعو الغوات .. خرجات عندهم الفرملية وقالتلهم باللي عيشة صحتها مزيانا هي والبنت .. كلشي فرحو ..
دخل مراد بتمهل لعند عيشة .. اللي كانت هازة البنت بين يديها ..
مراد : عيشة 😢 انا كنبغيك بزاف ..
عيشة: حتى انا كنبغيك بزاف .. شوف بنتنا .. مراد واش غاتهلا فيها..
مراد : بزاف غانتهلا فيها وفيك ..
دخلو كلشي بداو يباركو ليهم ..
مراد: عيشة.. قدام كلشي .. كنطلب منك الزواج رسميا .. واش تقبلي بيا ..
عيشة: قابلة .. كنبغيك
مراد : حتى انا كنبغيك بزاف ..
بعد ايام كان التوجاد للسبوع .. اللي فنفس اليوم تم عقد قران مراد وعيشة رسميا .. سماو البنت رانيا .. كلشي فرح والمفاجئة هي مللي طلب اكرم قدام كلشي يد خديجة .. كانت الصدمة قوية بزاف عليها .. مكانتش كتحلم في يوم من الايام بهادشي .. وهي اللي كانت فاقدة الامل فالدنيا .. فجأة ابتسم ليها القدر ...الدنيا هي هادي مهما كان الطلم فالمجتمع الا وهناك واحد الشعلة ديال الامل تضيء كل شيء ..مهما كنا عايشين مع اشخاص منعدمي الضمير وكيمارسو علينا ظلم العادات والتقاليد .. الا وهناك اشخاص واعيين .. كيحنو فينا .. مكاينش شي حاجة سميتها العادات والتقاليد فاسلامنا الحبيب .. هاد العادات اللي دايما كتدينا للهاوية .، واللي كلها بدع وضلال .. خلاصة القول .. وراء كل عادة ضالمة لازم يكونو اشخاص يوقفو فوجهها ويقضيو عليها .. وردة العيساتي النهاية ..
اولا كنبغي نشكر اي واحدة صبرات معايا فهاد القصة .. وكنبغي نوجه رسالة لهادوك اللي سبوني .. واخا هما مكيخلصونيش على القصة الا انه حتى هما كنقول ليهم شكرا حيت تبعتو القصة ..